Icyamamare Akon, umuririmbyi wo muri Leta zunze ubumwe za Amerika ufite inkomoko muri Senegal yemeje ko azaza mu Rwanda kwitabira “Youth Connekt Africa Summit” izaba tariki 19 -21 Nyakanga 2017.
Youth Connekt izanitabirwa n’abandi bayobozi bakomeye bava mu bihugu birenga 14. Aliaume Damala Badara Thiam wamamaye nka Akon yaherukaga mu Rwanda mu myaka ibiri ishize mu mushinga we wo kugeza amashanyarazi henshi mu gihugu.
Uretse Akon, iyi nama izanitabirwa n’umuherwe Jack Ma, wo mu Bushinwa watangije urubuga rwa interineti rukorerwaho ubucuruzi rwitwa “Alibaba”.
Njoya Tikum, umuyobozi ushinzwe kurwanya ruswa mu ishami ry’umuryango wa bibumbye ryita ku iterambere (UNDP) yanditse ku rukuta rwe rwa Twitter yemeza aya makuru y’uko Akon azaza mu Rwanda hatagize igihinduka.
UNDP, umufatanyabikorwa wa Youth Connekt Africa, niyo yatumiye Akon. Inama ya Youth Connekt 2017 izaba iyobowe na Perezida Paul Kagame.
Icyamamare Akon
