Nyuma yaho abakandida babiri Rtd. Brig. Gen Sekamana Jean Damascene na Rurangirwa Louis batangiye candidatire zabo ndetse zikakirwa kuri uyu wa gatandatu, habaye amatora aho abatoye banganaga na 53
Ni amatora yabaga ku nshuro ya kabiri dore tariki ya 30 Ukuboza 2017 aya matora yari yabaye maze Rwemarika Fecelite wiyamamazaga wenyine nyuma y’uko De Gaulle akuye kandidatire ye abura amajwi amwemerera kuyobora.
Nzamwita Vincent De Gaulle perezida ucyuye igihe mbere y’amatora yavuze ko nta kintu yavuga kuko ntacyo yateganyije gusa avuga ko hari icyo ari buze kubwira abanyamuryango akoresheje umutima.
Mbere y’amatora buri mukandida yahawe iminota 5 ngo agire icyo abwira abanyamuryango byerekeranye n’imigabo n’imigambi ye. Bose bakaba bagarutse kuri bimwe bagiye bavuga biyamamaza mbere.
Yimamaza, Rtd. Brig. Gen Sekamana yari yavuze ko nagiriwa icyizere agatorwa ikintu cya mbere azakora ari ukubaka uburyo buhamye bw’imikoreye ya FERWAFA kuko ntabwariho bwatuma abantu bakomeza kugenda bakurikiza uko ibintu bigomba kugenda.
Mu bindi yiyemeje ni umupira uzahera mu bigo by’amashuri ni ukuvuga mu bana aho bazagirana ubufatanye na MINEDUC ndetse n’ibigo by’amashuri ku buryo hazagira n’amafaranga bazatanga azafasha ibyo bigo kubonera abana ibikoresho n’igihe gihagije cyo gukina.
Amatora akaba yabaye ku gicamusi cyo kuri uyu wa wa Gatandatu nibwo amatora yasubiwemo maze Rtd. Brig. Gen Sekamana Jean Damascene atsindira kuyobora iri shyiramwe atsinze rurangirwa Louis ku manota 45 kuri 7.
Brig. Gen. Sekamana Jean Damascene nyuma ya Jenoside yakorewe Abatutsi muri Mata 1994 yinjye mu ikipe ya Kiyovu Sports, aho umwaka wakurikiyeho kuva 1995-96 yahise ayibera visi perezida, kuva 1997-2000 yahise aba perezida wa Kiyovu Sports, kubera akazi yakoraga k’igisirikare bahise bamwimura muri Kigali aba atandukanye na Kiyovu Sports gutyo. 2006 yabaye visi perezida wa Bugesera FC na nyuma yaho aca mu makipe nk’Amagaju. Muri 2011 nibwo yinjiye mu Intare FC nka visi perezida kugeza n’uyu munsi yamutanze nk’umukandida
