Ubushakashatsi bwakozwe n’ikinyamakuru The Economist cyo mu Bwongereza bwagaragaje ko Vienna, umurwa mukuru w’igihugu cya Autriche, ari wo mujyi wa mbere ku isi woroshye cyane kuwubamo.
Bubaye ubwa mbere umujyi wo ku mugabane w’Uburayi uza ku mwanya wa mbere kuri uru rutonde rukorwa buri mwaka n’ishami ry’ubutasi ry’iki kinyamakuru.
Uyu mugi, Ukurikiwe n’umujyi wa Melbourne wo muri Australia.
Ubu bushakashatsi bukorerwa mu mijyi 140 ku isi hagendewe ku bintu bitandukanye birimo kuba umujyi utekanye mu mibereho y’abawutuye no muri politiki, ku byaha biwurangwamo, uburezi ndetse n’uburyo abawutuye bashobora kwivuza.
Ubu bushakashatsi bwagaragaje imigi 10 iza ku isonga byoroshye kuyibamo ku isi n’i10 bigoye kuyibamo ku isi muri uyu mwaka wa 2018.
Dore urutonde rw’ imigi 10 byoroshye kuyibamo kurusha iyindi ku isi
1. Vienna, wo muri Autriche
2. Melbourne, wo muri Australia
3. Osaka, wo mu Buyapani
4. Calgary, wo muri Canada
5. Sydney, wo muri Australia
6. Vancouver, wo muri Canada
7. Tokyo, wo mu Buyapani
8. Toronto, wo muri Canada
9. Copenhagen, wo muri Denmark
10. Adelaide, wo muri Australia
Dore n’urutonde rw’imijyi 10 bigoye cyane kuyibamo ku isi muri uyu mwaka wa 2018
1. Damascus, wo muri Syria
2. Dhaka, wo muri Bangladesh
3. Lagos, wo muri Nigeria
4. Karachi, wo muri Pakistani
5. Port Moresby, wo muri Papua New Guinea
6. Harare, wo muri Zimbabwe
7. Tripoli, wo muri Libya
8. Douala, wo muri Cameroon
9. Algiers, wo muri Algeria
10. Dakar, wo muri Senegali
