Undi muntu wa hafi wa Gen Kayihura agiye gutabwa muri yombi

Urukiko rushinzwe kurwanya ruswa muri Uganda rwanzuye ko umwe mu bantu ba hafi b’uwahoze ari Umuyobozi wa Polisi ya Uganda, Gen Kale Kayihura ariwe  ACP Silaje Bakaleke ashinjwa ruswa.

Urukiko rwafashe uyu mwanzuro  nyuma yaho ACP Bakaleke ananiwe  kwitaba urukiko rwari rwamusabye ko kuwa 17 Nzeri 2018 yazajya gutanga ibisobanuro ku byaha uruhuri bijyanye na ruswa aregwa.

Uru rukiko rukorera kololo ruyobowe n’Umucamanza Moses Nabende rubisabwe n’umushinjacyaha wa Leta, Harriet Angom rwashyizeho inyandiko zita muri yombi uyu mugabo kuko ngo yasuzuguye.

ACP Bakaleke arashinjwa ibyaha 12  birimo  gushimuta no kwiba asaga $ 415,000

Umushinjacyaha Harriet Angom avuga ko Bakaleke yamenyeshejweko agomba kwitaba urukiko binyuze ku mu nyamategeko we  Senguku Robert ariko ntiyitaba.

Bakaleke arareganwa hamwe na bagenzi be ari bo D/ASP Innocent Munezero, D/ASP Innocent Nuwagaba, D/AIP Robert Asiimwe, PC Amanya Junior, PC Babu Gastavas and PC Kenneth Zirintuusa .