• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • BURUNDI: Urupfu rw’abarwanashyaka 31 ba CNDD-FDD i Busoni rwibajije byinshi ku mutekano w’abaturage n’inshingano z’ubuyobozi   |   18 Nov 2026

  • Perezida Paul Kagame yakurikiwe umukino ikipe y’igihugu ya Mali yatsindiyemo u Rwanda ibona itike ya CAN 2027   |   18 Nov 2026

  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

 
You are at :Home»UBUKUNGU»Ishoramari rishya mu Rwanda ryageze kuri miliyari $2.4 mu 2019

Ishoramari rishya mu Rwanda ryageze kuri miliyari $2.4 mu 2019

Ubwanditsi 08 Jan 2020 UBUKUNGU

Ikigo cy’Igihugu cy’Iterambere (RDB) cyatangaje ko mu mwaka wa 2019 ishoramari rishya ryanditswe ryageze kuri miliyari 2.46 z’amadolari ya Amerika, ni ukuvuga asaga miliyari zisaga 2300 Frw.

Iri shoramari ryiyongereyeho 22.6% ugereranyije n’iryanditswe mu mwaka wa 2018 ryari miliyari 2.01$, nk’uko imibare yatangajwe kuri uyu wa Gatatu ibigaragaza.

Imibare igaragaza ko ishoramari ryakozwe mu rwego rw’ingufu n’ibikorerwa mu nganda ryihariye 75% by’ishoramari rishya rya 2019. Muri uwo mubare urwego rw’ingufu rufitemo 45% naho urw’ibikorerwa mu nganda rukagiramo 30%.

Izindi nzego zashowemo imari ryinshi mu 2019 harimo ubwubatsi, ubuhinzi, serivisi ziganjemo iz’ikoranabuhanga n’ubucukuzi bw’amabuye y’agaciro.

RDB igaragaza ko kubera iri shoramari rishya, byitezwe ko imirimo 35,715 igomba guhangwa, aho by’umwihariko urwego rw’ibikorerwa mu nganda ruzahanga imirimo 22.935, urw’ubwubatsi rugahanga 3.053.

Ni inkuru nziza ku bakozi n’abashaka imirimo, kuko bizunganira gahunda Guverinoma y’u Rwanda yihaye yo guhanga imirimo ibihumbi 200 buri mwaka, ishingiye ku ishoramari n’ubundi buryo bugenda bushyirwaho.

RDB igaragaza ko mu ishoramari ryanditswe umwaka ushize, irihuriweho n’abanyarwanda n’abanyamahanga ryihariye 44% y’ishoramari ryose, aho iryaturutse mu mahanga ari 37% naho iryandikishijwe n’abanyarwanda ni 19%.

Ukwiyongera kw’ishoramari rihuriweho ahanini rishingiye ku mishinga ibiri ikomeye yashyizwe mu rwego rw’ingufu irimo uwo kubaka urugomero rwa Rusizi III wa miliyoni 613$ n’uwa Gasmeth Energy washowemo miliyoni $442.

Ni mu gihe ishoramari ry’abanyarwanda ryo mu mwaka wa 2018 ryari ryihariye 51%, iry’abanyamahanga ari 48% mu gihe irihuriweho ryari 2%.

Umuyobozi mukuru wa RDB, Clare Akamanzi yagize ati “Nyuma yo kurenza igipimo cya miliyari $2 mu ishoramari ryanditswe mu mwaka umwe mu mateka y’iki gihugu mu mwaka wa 2018, twakomeje kuzamuka aho twarengeje miliyari $2.4 mu mwaka wa 2019, ari naryo shoramari ryinshi tugize kugeza magingo aya. Ibi tubigezeho tuvuye kuri miliyoni 400$ z’ishoramari ryanditswe mu mwaka wa 2010.”

“Ni ikimenyetso cy’icyizere abashobramari bakomeje kugirira u Rwanda baba abo mu gihugu n’abanyamahanga. Iri shoramari rizafasha mu kurushaho kugabanya icyuho hagati y’ibitumizwa n’ibyoherezwa mu mahanga, binyuze mu kongera ibikorerwa imbere mu gihugu bigenewe isoko ryo mu gihugu no mu karere.”

Mu mwaka ushize u Rwanda rwoherereje mu mahanga ibicuruzwa bifite agaciro ka miliyari 1.021$ bivuye kuri miliyoni 995$ mu mwaka wa 2018. Ibyo byatumye umusaruro mbumbe w’igihugu mu gihembwe cya gatatu wiyongera ku kigero 11.9% ugereranyije n’uko wari uhagaze muri icyo gihembwe mu 2018.

Imishinga ya rutura yanditswe mu mwaka ushize

Imishinga itanu yashowemo akayabo mu 2019 harimo uwo kubaka urugomero rwa Rusizi III wa miliyoni 613$ n’uwa Gasmeth Energy washowemo miliyoni $442, wo kubyaza ingufu GazMethane.

Hari kandi umushinga w’ikigo Ampersand giteranya moto zikoresha amashanyarazi washowemo miliyoni $152, Remote Estate ukora ibijyanye n’ubwubatsi bw’amacumbi washowemo miliyoni 145$ na Nots Solar Lamps utanga ingufu z’amashanyarazi zikomoka ku zuba washowemo miliyoni 72$.

Mu yindi mishinga harimo uwa Great Lakes Cement Ltd wo kongera ingano ya sima ikorerwa mu Rwanda binyuze mu ruganda ruri kubakwa mu Karere ka Musanze n’umushinga w’ubuhinzi w’ikigo cy’abanya-Kenya Mataba Farms Ltd.

Hari kandi ikigo Mountain Ceramics Co cyashoye imari mu bubumbyi bw’imitako, Elrumalya Rwanda Ltd mu mushinga wo gutunganya ingufu zisubira, MJ Minerals and Petrol Ltd gikora ibikomo, Fantastic Investment Group gikora iby’ubwubatsi bw’amacumbi na Cheza Rwanda Games cyashoye imiri mu mikino y’amahirwe ikinirwa kuri internet.

RDB igaragaza ko uko kwiyongera kw’ishoramari bifitanye isano n’ingamba Guverinoma y’u Rwanda igenda ishyiraho zigamije gushishikariza abashoramari kuyishora mu Rwanda.

Raporo ya Doing Business Banki y’Isi iheruka gutangaza umwaka ushize yagaragaje ko u Rwanda rwongeye kuba igihugu cya kabiri muri Afurika yo munsi y’Ubutayu bwa Sahara cyorohereza abashoramari, rukaza ku mwanya wa 38 ku Isi.

Bimwe mu byo Leta yakoze mu korohereza abashoramari harimo gushyiraho ikigo kibaha amakuru na serivisi bibafasha gutangiza ishoramari arimo ajyanye no kuryandikisha, kubona ibyangombwa, kubona ubutaka bwo gukoreraho, kugabanyirizwa imisoro n’ibindi.

RDB ikomeza no gukurikirana umushoramari waritangije mu gihugu niba nta mbogamizi agira mu gushyira mu bikorwa umushinga we.

RDB yanatangije ibiganiro biba rimwe mu mezi atatu bizwi nka ‘CEO Forum’ bihuza abayobozi bayo bakuru n’abashoramari bakomeye mu gihugu no hanze yacyo. Inategura ‘Investor Open Day’ buri wa Gatanu icocerwamo ibibazo by’abashoramari, aho mu 2018, hakemuwe ibibazo 163 bingana na 78% muri 209 byatanzwe.

Src: IGIHE

2020-01-08
Ubwanditsi

IZINDI NKURU

Kagame yakomoje ku mahirwe y’ishoramari atabyazwa umusaruro muri EAC

Kagame yakomoje ku mahirwe y’ishoramari atabyazwa umusaruro muri EAC

Ubwanditsi 11 Sep 2018
Ese Imyanzuro y’Umwiherero wa 15 w’abayobozi yaba yarashyizwe mu bikorwa?

Ese Imyanzuro y’Umwiherero wa 15 w’abayobozi yaba yarashyizwe mu bikorwa?

Ubwanditsi 08 Mar 2019
Byose tubikesha Perezida Kagame

Byose tubikesha Perezida Kagame

Ubwanditsi 13 May 2016
Uko Tony Blair na Sir Collier babona iterambere ry’u Rwanda mu myaka 30 iri imbere

Uko Tony Blair na Sir Collier babona iterambere ry’u Rwanda mu myaka 30 iri imbere

Ubwanditsi 14 Feb 2018

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Ni iki Bibiliya ivuga ku birebana na Noheli?
ITOHOZA

Ni iki Bibiliya ivuga ku birebana na Noheli?

Ubwanditsi 23 Dec 2016
Yafashwe ku ngufu n’abagabo 37 bamuvuna umugongo. Amaze imyaka 23 aryamye
Mu Rwanda

Yafashwe ku ngufu n’abagabo 37 bamuvuna umugongo. Amaze imyaka 23 aryamye

Ubwanditsi 17 Apr 2017
Iturufu y’amoko (Hutu &Tutsi) kimwe mu byatumye Gen Kayumba ashwana na bagenzi be
ITOHOZA

Iturufu y’amoko (Hutu &Tutsi) kimwe mu byatumye Gen Kayumba ashwana na bagenzi be

Ubwanditsi 31 Mar 2017

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru