Ikipe ya APR BBC yageze ku mukino wa nyuma w’Imikino ya kamarampaka (Playoffs) ya Shampiyona ya Basketball, itsinze Patriots BBC amanota 81-67, ikayisezera muri kimwe cya kabiri.
Uyu mukino wagiye gukinwa ariwo wa nyuma kuko aya makipe yombi yagiye guhura yari amaze kunganya imikino ibiri kuri ibiri muri itanu iba iteganyijwe gukinwa.
APR BBC tatangiye yitwara neza kuko agace ka mbere kawo karangiye APR iri imbere n’amanota 24 kuri 20.
Mu gace ka kabiri, APR BBC yakomeje kuyobora kuko igice cya mbere cy’uyu mukino cyarangiye APR iyoboye n’amanota 46-37.
Mu gace ka gatatu amakipe yombi yatsinzemo amanota make, gusa iyi kope y’ingabo z’igihugu ya APR yegukanye aka gace ku manota 14-13.
Mu gace ka nyuma, niho APR BBC yashimangiriye ko ishaka kugera ku kukinp wa nyuma, kuko yawusoje ku manota 81 kuri 67, bituma ibona intsinzi ya gatatu iyemerera kugera ku mukino wa nyuma.
APR BBC izahura na REG BBC ku mukino wa nyuma, aho hateganyijwe ko hazakinwa imikino 7 hakarebwa iyatsinze imikino 4 ikaba ariyo yegukana igikombe cya shampiyona y’uyu mwaka.
