• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • BURUNDI: Urupfu rw’abarwanashyaka 31 ba CNDD-FDD i Busoni rwibajije byinshi ku mutekano w’abaturage n’inshingano z’ubuyobozi   |   18 Nov 2026

  • Perezida Paul Kagame yakurikiwe umukino ikipe y’igihugu ya Mali yatsindiyemo u Rwanda ibona itike ya CAN 2027   |   18 Nov 2026

  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

 
You are at :Home»Amakuru»Bya Nyirarureshwa Ibigarasha bikuru ngo birashaka ko Hakorwa iperereza ku irengero ry’Umuhanzi Kifua-wazi Ben Rutabana

Bya Nyirarureshwa Ibigarasha bikuru ngo birashaka ko Hakorwa iperereza ku irengero ry’Umuhanzi Kifua-wazi Ben Rutabana

RUSHYASHYA 07 Oct 2026 Amakuru, INKURU NYAMUKURU, Mu Mahanga, POLITIKI

Ishyirahamwe ry’ibigarasha ryibeshyera ryihamya ko rirwanya ubutegetsi bw’u Rwanda ryigize nyoni nyinshi bya Nyirarureshwa rivuga ko rishaka ko hakorwa iperereza ku irengero ry’umuhanzi Ben Rutabana wari umunyamuryango waryo.

Rutabana yahoze ari Komiseri wa RNC ushinzwe amahugurwa. Tariki ya 4 Nzeri 2019 yavuye i Burayi, agera muri Uganda ku munsi wakurikiyeho ariko kuva yagerayo mu ntangiriro z’uko kwezi ntiyongeye kuboneka.

Umugore wa Rutabana, Diane Rutabana, yavuze ko umugabo we akimara kubura, yabajije abo muri RNC, bamuha amakuru anyuranye, bamwe bamubwira ko aho ari bahazi kandi ko ameze neza.

Umunyamabanga Mukuru wa RNC, Gervais Condo, yavuze ko hari amakuru yaherukaga avuga ko hari uwabonye Rutabana tariki ya 2 Ukwakira, ashaka kwerekana ko igihe byavugiwe ko yaburiwe irengero yari akiriho.

Umugore wa Rutabana yavuze ko yahawe andi makuru muri RNC avuga ko byari byavugiwe muri iri huriro ko umugabo we nagera muri Uganda azafungwa, kandi ko mbere y’uko agenda yari yamubwiye ko afitanye ibibazo na muramu wa Kayumba Nyamwasa, Frank Ntwari.

Ibi ni byo Diane Rutabana yashingiyeho agaragaza ko RNC izi irengero ry’umugabo we, nubwo Kayumba yamutumye ku muntu ngo amuhamagare, amuhumurize.

Ibura rya Rutabana ryaciye RNC mo ibice, aho bamwe bahamya ko isigariye ku izina gusa, kuko bemeza ko iri huriro ryasenyutse burundu bitewe n’umwiryane watewe n’iki kibazo.

Tariki ya 20 Nzeri 2026, Jean Paul Turayishimye n’abandi barwanya Leta y’u Rwanda baba mu mahanga bakoze ikiganiro cyiswe icyo gutaramira Ben Rutabana nyuma y’imyaka irindwi aburiwe irengero.

Iki kiganiro cyatumiwemo mushiki wa Rutabana, Adeline Rwigara, kugira ngo avuge ku mateka yaranze musaza we. Ibyo uyu mugore yavugiyemo byakorogoshoye cyane RNC.

Adeline yahawe ijambo kugira ngo asenge, ahishura uburyo Rutabana yari yaramukundishije RNC na Kayumba Nyamwasa, ariko atungurwa n’uko bamugambaniye, akaburirwa irengero.

Yagize ati “Akundwa na benshi usibye inyangabirama zibarirwa ku ntoki z’abagambanyi, na zo ndahamya ko niba zigira ubwenge uyu mwanya zicuza. Zamugambaniye, zamara kumugambanira zikamusebya, zigakora inama, zigakwizakwiza ibihuha ariko byose bikabagarukira ndetse zigasenyuka zisenyutse burundu.”

Nta guca ku ruhande, Adeline yavuze ko RNC yubakiye ku kinyoma, ishuka abantu bose, bamwe barayirwanirira batayizi, arwanirira Kayumba bigera n’aho arara ijoro amusengera.

Adeline yavuze ko Kayumba na Ntwari babaye aba mbere mu kwigira nyoni nyinshi kandi baragambaniye musaza we, ashimira Imana ko RNC yasenyutse kuko yari yubakiye ku kinyoma.

Yagize ati “Nabonye RNC isenyuka. Ndagushima kuko yari yubakiye ku kinyoma, ku bugome, ku bugambanyi no mu guhagurukira abana bawe batandukanye na yo kubera Benja, babasebya babandagaza. Ryari ishyaka ridafite aho rigana ahubwo rishinzwe kugambanira abaryo.”

Na none ati “Ntabwo akagambane kakorewe Benja kari kugenda ubusa. Yemwe bantu ba RNC, yemwe bantu b’ishyaka ry’abagome, mwihishe inyuma y’ubwenge butagira ubwenge, si ubwenge ahubwo ni ubugoryi. Mugira ngo Imana ntireba. Ubu rero yarabatamaje.”

Isengesho rya Adeline ryababaje Umuvugizi wa RNC, Ignace Rusagara, agaragaza ko uyu mugore atari akwiye gusenga atuka iri huriro; ibyatumye Turayishimye amwita umusazi mu kiganiro cyakurikiyeho.

Turayishimiye wabaye Umuvugizi wa RNC mbere yo gutandukana na yo nyuma y’ibura rya Rutabana, ati “Nigeze kubona Rusagara ameze nk’uwari wakamejeje, yacanganyikiwe. Yari yabaye nk’umusazi, kandi niba hari umuntu wari ukwiye gufunga umutwe ni Rusagara. Rusagara iriya dosiye nta yo azi na gato.”

Nyuma yo kwibasirwa na Adeline, tariki ya 4 Ukwakira RNC yashyize ubutumwa ku mbuga nkoranyambaga, ivuga ko irengero rya Ben Rutabana ritazwi nyuma y’imyaka irindwi.

Muri ubu butumwa bugaragaza kwigira nyoni nyinshi, RNC yagize iti “Imyaka irindwi irashize ariko ibyabaye kuri Ben Rutabana ntibizwi. Umuryango we ukeneye ibisubizo, abavandimwe be bakeneye ukuri. Abatangabuhamya bakwiye kumva kandi Ben akwiye ubutabera.”

RNC ivuga ko hakozwe indirimbo kugira ngo izina rye ritazibagirana, iti “No gusaba ko hakorwa iperereza ryizewe ku byose bijyanye no kuburirwa irengero rye.”

Umwe mu bakurikira RNC yayibukije ko mu myaka irindwi ishize, umuryango wa Rutabana wasabye ko hakorwa iperereza ariko iri huriro ribitera utwatsi, rinamwambura ubunyamuryango ibye bitarasobanuka.

Iri huriro ryibukijwe ko nta kintu rikwiye kuvuga ku ibura rya Ben Rutabana mu gihe bizwi ko abayobozi baryo barimo Kayumba na muramu we barigizemo uruhare rukomeye bitewe n’amakimbirane bari bafitanye.

 

 

2026-10-07
RUSHYASHYA

IZINDI NKURU

Mu mukino wa gicuti, ikipe y’u Rwanda mu mukino w’intoki wa Basketball yatsinze Misiri bitegura gukina amajonjora y’igikombe cy’isi 2023

Mu mukino wa gicuti, ikipe y’u Rwanda mu mukino w’intoki wa Basketball yatsinze Misiri bitegura gukina amajonjora y’igikombe cy’isi 2023

Ubwanditsi 23 Feb 2022
AMAFOTO: Umukino wa Manchester United na Liverpool wasubitswe kubera imyigaragambyo y’abafana ba Manchester binubira uko ikipe yabo iyobowe.

AMAFOTO: Umukino wa Manchester United na Liverpool wasubitswe kubera imyigaragambyo y’abafana ba Manchester binubira uko ikipe yabo iyobowe.

Ubwanditsi 03 May 2021
Nyuma y’amezi 13 ayobora ikipe ya APR FC, Brig Gen Déo Rusanganwa wari Chairman wayo ntakiri muri izo nshingano

Nyuma y’amezi 13 ayobora ikipe ya APR FC, Brig Gen Déo Rusanganwa wari Chairman wayo ntakiri muri izo nshingano

Ubwanditsi 09 Dec 2025
Intumwa za Sudani y’Epfo zashimye iterambere ry’isoko ry’imigabane mu Rwanda

Intumwa za Sudani y’Epfo zashimye iterambere ry’isoko ry’imigabane mu Rwanda

Ubwanditsi 05 May 2016

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Perezida Kagame yasabye abacamanza kutavugirwamo no kwihutisha ubutabera
POLITIKI

Perezida Kagame yasabye abacamanza kutavugirwamo no kwihutisha ubutabera

Ubwanditsi 01 Aug 2018
Umugabo yishe umugore we utwite amezi 7 wari waramuhungiye i Ntarama
Mu Rwanda

Umugabo yishe umugore we utwite amezi 7 wari waramuhungiye i Ntarama

Ubwanditsi 04 Jan 2018
Amavubi yabonye intsinzi imbere ya Zimbabwe, afata umwanya wa 3 mu gushaka itike y’igikombe cy’Isi 20206
Amakuru

Amavubi yabonye intsinzi imbere ya Zimbabwe, afata umwanya wa 3 mu gushaka itike y’igikombe cy’Isi 20206

Ubwanditsi 09 Sep 2025

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru