Bamwe mu banyamuryango b’ishyirahamwe ry’umupira w’amaguru mu Rwanda, FERWAFA barasaba perezida waryo Nzamwita Vincent de Gaulle kwegura mu maguru mashya.
Mu ibaruwa ikipe izwiho guteza imbere umupira w’amaguru mu Rwanda, SEC, yandikiye Nzamwita yagaragaje impamvu imusaba kwegura zirimo uburiganya bwagaragaye mu isoko ryo kubakwa Hoteli ya FERWAFA no kugira ubwiru imicungire y’imari y’ishyirahamwe.
Abanyamuryango bagize ikipe ya SEC bakeka ko Nzamwita yaba yaranyereje umutungo wa FERWAFA cyane ko ngo yaheje umukozi wari ushinzwe gucunga umutungo na komite ngenzuzi.
Hari kandi kuba hatarabayeho amarushanwa y’abatarengeje imyaka 15 mu gihe cyateganyijwe.
Perezida wa FERWAFA, Nzamwita Vincent de Gaulle
