Ku gicamunsi cyo kuri uyu wa Gatanu, ububozi bw’ikipe y’Ingabo z’Igihugu ya APR FC beemeje Darko Nović nk’umutoza mukuru wayo mu gihe cy’Imyaka itatu.
Binyuze ku mbuga nkoranyambaga za APR FC, bemeje ko uyu mutoza ariwe ugiye kuyitoza mu gihe cy’imyaka itatu ndetse akaba ari butangire akazi uhereye kuri uyu wa Gatanu.
Bagize bati ”APR FC Inejejwe no kwakira Bwana DARKO NOVIC n’abungiriza be mw’ikipe yacu nk’Umutoza mukuru mugihe cy’imyaka 3”.
“Tumufitiye icyizere kandi dufatanije ko azageza ikipe yacu ahisumbuye kurushaho, Arakaza neza mu muryango mugari wa APR FC”.
Uyu mugabo yageze i mu Rwanda mu rukererera rwo kuri uyu wa Gatanu ndetse ahita asinya amasezerano n’iyi kipe iheruka gutwara igikombe cya shampiyona y’u Rwanda.
Darko w’imyaka 52 y’amavuko aje muri APR FC gusimbura Umufaransa Thierry Froger wasoje amasezerano y’umwaka umwe umwe yari afite ariko ntiyayongererwa.
Darko Nović si ubwa mbere agiye gutoza ku mugabane wa Afurika kuko yatoje amakipe arimo ES Sétif yo muri Tunisia ndetse n’ikipe y’igihugu ya Libya.
Uyu mugabo yigeze gusezerera APR FC muri CAF Champions League, atoza US Monastir yo muri Tuniziya, yari aherutse gutandukana na Al-Bukiryah FC yo muri Arabie Saoudite.
Darko Nović baje basanga iyi kipe yarasubukuye imyitozo kuri uyu wa Kane, aho yari iyobowe n’umutoza wungurine muri iyi APR FC, Hitimana Thierry uheruka no gutoza umukino banganyije na Rayon Sports 0-0.
