Mu kiganiro aherutse kugirana n’urubuga rwa YouTube rwitwa Main Switch 257 uhagarariye u Burundi mu Bubiligi Ambassadeur Therence Ntahiraja yemeje ko u Rwanda ari ikibazo mu karere ko kurutera nta kibazo aho yakoresheje imvugo ikabije ko u Rwanda rugomba guterwa.
Akari ku mutima gasesekara ku munwa; ibi Ambassadeur Therence Ntahiraja avuga nibyo bitegurwa na leta ye dore ko mu gihugu cy’Ububiligi ambasade y’u Burundi yahindutse indiri y’abarwanya u Rwanda.
Niho Jean Luc Habyalimana umuhungu wa Perezida Habyalimana ahurira n’abandi barwanya u Rwanda bibumbiye muri RNC mu mugambi wa Leta ya Kinshasa n’u Burundi bwo guhuza Kayumba Nyamwasa na Jean Luc Habyarimana ngo bahuze ingufu.
N’ibitwenge byinshi Ambassadeur Ntahiraja aburira u Rwanda kwitegurira ibyo bitero akavuga n’abazabikora barimo kuri we abahunze muri 1996, bigaragaza ubuswa bwe mu mateka dore ko yashakaga kuvuga abahunze muri 1994.
Icyo Ambassadeur Therence atamenye nuko ahubwo guhera muri uwo mwaka wa 1996 nibwo ibitero byakozwe ku Rwanda kugeza ejobundi muri 2019 ubwo u Burundi bwahaga inzira abagabye ibitero muri Nyaruguru na Nyamagabe bibumbiye mu mutwe wari uyobowe na Paul Rusesabagina MRCD/FLN.
Nyaruguru na Nyamagabe ntizihana imbizi na Congo bityo u Burundi bwiyemeje gutanga inzira ngo batere u Rwanda.
Col Bora Manasseh wari ukuriye iperereza ryo hanze muri FDLR uheruka gutaha yatangaje ko yagiye kenshi I Burundi bagiye gushaka amaboko dore ko leta ya CNDD FDD ikorana bya hafi na FDLR haba mu Rugamba rwo kurwanya M23 ariko n’amateka yemeza ko abagize FDLR bagize uruhare rukomeye mu ishingwa no gutoza igisirikari cya CNDD FDD bakiri mu ishyamba.
Ibyo Therence yavuze si bishya ahubwo nibyo bakora nubwo nta bushobozi u Burundi bufite bwo gutera u Rwanda.
