Leta zunze ubumwe z’Amerika zirukanye Dickson Ogwang, Umudiplomate muri Ambasade ya Uganda muri icyo gihugu ku mpamvu zo gukubita bikomeye umugore we.
Inzego z’ubuyobozi za Amerika zatangaje ko uyu mudiplomate agomba kuba yasubiye iwabo bitarenze iyi week end iza.
Ibi byabaye nyuma yaho police y’Amerika ihamagawe mu rugo rw’uyu mudiplomate igasanga umugore wa Ogwang ari indembe nyuma yo gukubitwa cyane n’umugabo we. Uyu mugore yahise ajyana kwa muganga.
Si ubwa mbere Aba diplomate ba Uganda birukanywe bazira ibikorwa byo kwitwara nabi mu ngo zabo ndetse n’indi mico idasobanutse; muri 2015, umudiplomate witwa Robert Mugimba yavanywe muri Ambasade ya Uganda muri Amerika yoherezwa gukorera muri Egypte nyuma yaho agaragaweho icyaha gisa nicya Ogwang
Ibi birakomeza guhesha isura itari nziza leta ya Uganda itungwa agatoki mu kunanirwa gutoranya abadiplomate bayihagararira hirya no hino kw’isi.
