Ubwo hakinwaga umukino usoza ikiciro cya 1/8 cy’irangiza, ikipe y’ingabo z’igihugu ya APR FC yasezereye Amagaju FC iyitsinze ibitego 3 ku busa bisanga ikindi kimwe yari yatsinze mu mukino ubanza bityo isezererwa ku giteranyo cy’ibitego 4-0.
Ni umukino wabereye kuri stade ya Kigali i Nyamirambo, ari naho ikipe ya APR FC yakirira imikino yayo, ni umukino watangiye ku isaha ya saa cyenda, muri uyu mukino ibitego bya APR FC byatsinzwe na Nshuti Innocent ku munota wa 9′ na 32′ mu gihe igitego cya gatatu cyatsinzwe na Kwitonda Alain Bacca ku munota wa 43.
Gutsinda uyu mukino kwa APR FC, byatumye iyi kipe yiyongera kuyandi makipe arindwi yari yabonye itike yo gukina imikino ya 1/4.
Ayo makipe yamaze kubona itike yo gukomeza mu kindi kiciro ni APR FC, Rayon Sports, Police FC, AS Kigali, Gasogi United, Marines FC, Etoile de l’Est ndetse na Bugesera FC.
Uko amakipe azahura muri 1/4 cy’imikino y’igikombe cy’Amahoro:
APR FC vs Marines FC
Rayon Sports VS Bugesera FC
AS Kigali vs Gasogi United
Police FC vs Etoile de l’Est
