Arabia Saoudite yemeye ko umunyamakuru Khashoggi yapfiriye muri ambasade yayo

Kera kabaye Arabia Saoudite yemeye ko umunyamakuru Jamal Khashoggi yapfiriye muri ambasade yayo muri  Instanbul muri Turkiya, aho bivugwa ko yapfuye arimo kurwana nk’uko bitangazwa na televiziyo y’iki gihugu.

Iyi televiziyo ikomeza ivuga ko umukuru w’iperereza, Ahmad al-Assiri na Saud al-Qahtani, umwe mu bafasha bakuru b’igikomangoma Mohammed Bin Salman bahagaritswe ku mirimo yabo kubera iki kibazo.

Perezida Donald Trump watangaje ko ibyabaye bidashobora kwemerwa, yongeyeho ariko ko Arabia Saoudite ari igihugu cy’inshuti cyane na Amerika.

Itangazo ryashyizwe ahagaragara n’ubutabera bwa Arabia Saoudite rivuga ko hadutse imirwano hagati ya Kashoggi n’abantu yasanze muri ambasade bikarangira apfuye, ryongeraho ko iperereza rikomeje kandi abagera kuri 18 batawe muri yombi bakurikiranweho iyicwa rye.

Mw’itangazo ryasohowe n’ubushikirizamanza bwa Arabie Saoudite bivugwa ko hadutse ingwano hagati ya Bwana Khashoggi n’abantu yasanze mu nyubakwa y’ubuserukizi bw’ico gihugu, munyuma arapfa.

Arabia Saoudite ikaba yemeye ko Khashogi yapfuye nyuma y’uko yari imaze ibyumweru bigera kuri 2 ibihakana ivuga ko nta ruhare yari ifite mu ibura ry’uyu munyamakuru wagaragaye bwa nyuma yinjira muri ambasade y’iki gihugu muri Turkiya ashaka ibyangombwa ariko ntoyongere kugaragara. Icyo gihe hari ku itariki 2 Ukwakira.

Ubutegetsi bwa Arabia Saoudite bukaba bwari bumaze iminsi bwotswa igitutu isabwa ibisobanuro ku irengero rya Khashoggi nyuma y’aho ubuyobozi bwa Turkiya butangarije ko yiciwe muri ambasade y’igihugu cye.