• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

  • Ibigarasha byataye umutwe kubera Hotel ya Pasteur Bizimungu bibura ayo bicira n’ayo bimira   |   10 Nov 2026

  • AMAFOTO – Rutahizamu akaba na Kapiteni wa APR FC, Cheick Djibril Ouattara yongereye amasezerano y’imyaka ibiri   |   05 Nov 2026

 
You are at :Home»ITOHOZA»IBUKA yamaganye Kaminuza ishaka gutiza umurindi ikwirakwizwa ry’igitabo gipfobya Jenoside

IBUKA yamaganye Kaminuza ishaka gutiza umurindi ikwirakwizwa ry’igitabo gipfobya Jenoside

Ubwanditsi 17 Sep 2018 ITOHOZA

Umuryango uharanira inyungu z’abacitse ku icumu rya Jenoside yakorewe Abatutsi mu 1994, ishami ryo mu Buholandi ’Ibuka-Hollande’, wamaganye igikorwa cya Amsterdam University Press cyo guhindura ururimi rw’igitabo cy’umunyamakuru Judi Rever, kigaragaza ko mu Rwanda habaye Jenoside ebyiri.

Iri tangazo ryashyizweho umukono n’Uhagarariye Ibuka-Hollande, Safari Christine, ku wa 28 Kanama 2018.

Igitabo “In Praise of Blood: The Crimes of Rwandan Patriotic Front” ugenekereje mu Kinyarwanda “Mu gushimagiza amaraso, ibyaha byakozwe na FPR Inkotanyi.”

Muri iki gitabo cyashyizwe hanze muri Mata 2018, Judi Rever yatangaje ko gikubiyemo iperereza yakoze mu myaka 20. Kivuga ko FPR Inkotanyi ko yakoze ubwicanyi muri Jenoside yakorewe Abatutsi mu 1994.

Kigisohoka cyamaganiwe kure n’Abanyarwanda bazi ukuri kw’ibyabaye mu gihugu, bagaragaza ko kigamije kugoreka amateka cyanyuzemo no gukingira ikibaba abakoze amahano.

Umwanditsi Judi ukomoka muri Canada yagaragaje ko FPR yatangije Jenoside yakorewe Abatutsi, ikanakora iy’Abahutu. Iyi ni imwe mu maturufu akoreshwa cyane n’abashaka guhakana ibyabaye mu Rwanda bigiza nkana.

Kinavuga ku ruhare rw’Urukiko Mpuzamahanga Mpanabyaha rwashyiriweho u Rwanda rukorera i Arusha (TPIR) mu gukingira ikibaba abayigizemo uruhare ntibakurikiranwa kuva mu 1990.

Iki gitabo kinakomoza ku bwicanyi bwabaye nyuma ya Jenoside mu 1994. Hari aho umwanditsi avuga ku bwicanyi bwo mu Ukwakira 1997, bwabereye Nyakinama mu yahoze ari Perefegitura ya Gisenyi, agaragaza ko bwari bugamije kwikiza Abahutu bose.

Nyuma y’amezi ane gisohotse mu Cyongereza, Amsterdam University Press yashinzwe mu 1992, iri kugitunganya ngo gisohoke mu Giholandi.

Ibuka Hollande yasohoye itangazo ryamagana iki gikorwa ivuga ko kigamije guharabika FPR Inkotanyi na Perezida wa Repubulika Paul Kagame.

Rigira riti “Twatunguwe n’icyemezo cyo gutangaza igitabo gitesha agaciro ababyeyi, abavandimwe n’abaturanyi bacu bahigwaga bukware, bakicwa ndetse Isi yemera ko ari Jenoside yakorewe Abatutsi iri mu zakoranywe ubugome ndengakamere mu zabayeho mu kinyejana cya 20.”

“Twasohoye iyi nyandiko duha agaciro abacu batuvuyemo no kwamagana ibitekerezo byakwirakwijwe mu gitabo cya Rever.”

Umwanditsi avuga ko abasirikare ba RPF binjiraga mu nterahamwe muri Kigali, Ruhengeri na Butare bakica ndetse bakazishishikariza kubikora.

Ngo FPR yinjiriye mu mashyaka ya politiki n’abarwanyi bayo arimo Interahamwe za MRND, Inkuba za MDR, Abakomozi ba PSD n’Impuzamugambi za CDR, bakabashishikariza kwica Abatutsi kuri za bariyeri.

Judi yavuze ko usibye Abahutu bicaga Abatutsi hari n’Abatutsi bicaga Abahutu.

Ibuka-Hollande yatangaje ko “Ibisobanuro bya Rever ku byabaye mu Rwanda bigaragaza ko ashimangira ubwicanyi hagati y’amoko na Jenoside ebyiri.”

Judi Rever akunze gukorana bya hafi n’abatavuga rumwe na Leta. Aheruka guhabwa igihembo n’Umuryango ukorana bya hafi na FDU igizwe n’inshuti z’abakoze Jenoside bihishe mu mahanga ndetse n’umutwe wa FDLR.

Umwanzuro w’Akanama k’Umutekano ka Loni wa 2150 wo mu 2014 “Wihanganiriza abahakana Jenoside yakorewe Abatutsi, ugasaba ibihugu by’ibinyamuryango gushyiraho porogaramu zigisha abasomo ya Jenoside hirindwa ko hari aho yazongera kuba.”

Ku wa 26 Mutarama ni bwo Inteko Rusange ya Loni yafashe umwanzuro wo gukosora inyito wahaye iya 7 Mata nk’umunsi Abanyarwanda bafata wo Kwibuka Jenoside yakorewe Abatutsi mu 1994, byemezwa ko uzajya witwa “Umunsi Mpuzamahanga wahariwe Kwibuka Jenoside yakorewe Abatutsi.”

2018-09-17
Ubwanditsi

IZINDI NKURU

Mozambique yahagurukiye Abanyarwanda icumbikiye barwanya  Leta y’u Rwanda

Mozambique yahagurukiye Abanyarwanda icumbikiye barwanya Leta y’u Rwanda

Ubwanditsi 28 Oct 2016
Bimwe mu bimenyetso byerekana ko Isi igiye kwinjira mu ntambara izahitana imbaga

Bimwe mu bimenyetso byerekana ko Isi igiye kwinjira mu ntambara izahitana imbaga

Ubwanditsi 04 Feb 2017
Umuhango wo kwibuka Mucyo Jean de Dieu mu Bubiligi  ( AMAFOTO )

Umuhango wo kwibuka Mucyo Jean de Dieu mu Bubiligi ( AMAFOTO )

Ubwanditsi 02 Dec 2016
U Rwanda ku mwanya wa cyenda ku Isi mu bihugu bifite umutekano usesuye

U Rwanda ku mwanya wa cyenda ku Isi mu bihugu bifite umutekano usesuye

Ubwanditsi 17 Apr 2017

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Ikigo gikomeye cyo mu Bwongereza, Inmarsat, cyatangiye inzira iganisha u Rwanda ku ikoranabuhanga rihambaye
IKORANABUHANGA

Ikigo gikomeye cyo mu Bwongereza, Inmarsat, cyatangiye inzira iganisha u Rwanda ku ikoranabuhanga rihambaye

Ubwanditsi 09 Feb 2018
Kampala : Ikizere kiraza amasinde, gitumye  Rudasingwa yisubiriye mu ” ISHAKWE ” kugirango abone uko yaramuka kabiri
INKURU NYAMUKURU

Kampala : Ikizere kiraza amasinde, gitumye Rudasingwa yisubiriye mu ” ISHAKWE ” kugirango abone uko yaramuka kabiri

Ubwanditsi 08 Feb 2018
Kiyovu SC yatsinze Rayon Sports yuzuza imikino irindwi idatsindwa inaboneraho gufata umwanya wa 1 wa shampiyona
Amakuru

Kiyovu SC yatsinze Rayon Sports yuzuza imikino irindwi idatsindwa inaboneraho gufata umwanya wa 1 wa shampiyona

Ubwanditsi 12 Nov 2022

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru