Imikino y’umunsi wa gatatu wa shampiyona y’u Rwanda 2021-2022 yagombaga kubera kuri Sitade Umuganda yasubitswe, harimo uwo Etincelles yari buzakine na APR FC

Mu gihe hitegurwaga gusubukura imikino ya shampiyona y’u Rwanda umwaka wa 2021-2022, imwe mu mikino yo kuri uyu munsi yagombaga kubera kuri sitade umuganda yo mu karere ka Rubavu harimo uwo ikipe ya Etincelles FC yagombaga kwakiramo ikipe ya APR FC nk’uko ishyirahamwe ry’umupira w’amaguru mu Rwanda imaze kubitangaza.

Nk’uko bigaragara mu ibaruwa y’ishyirahamwe ry’umupira w’amaguru mu Rwanda yandikiye amakipe asanzwe akoresha iki kibuga ariyo Etincelles FC, Marines FC ndetse na Rutsiro babwiwe ko iyo sitade itemerewe kwakira imikino y’umunsi wa gatatu.

Iyi bariwa igenewe ayo makipe atatu iragira iti “Tubandikiye tugira ngo tubamenyeshe ko imikino ya Primus National League 2021/2022 yari iteganyijwe kuri sitade yavuzwe haruguru isubitswe. Igihe izasubukurirwa muzakimenyeshwa.”

Mu mikino y’umunsi ya gatatu yagombaga kubera i Rubavu ni aho ikipe ya Marines FC kuri uyu wa gatanu wagombaga kuyihuza na Mukura VS ndetse ku wa gatandatu Etincelles yari buzakire ikipe ya APR FC.

Uko imikino y’umunsi wa gatatu yose iteganyijwe gukinwa:
Ku wa Kane tariki ya 18 Ugushyingo 2021:
Gorilla FC vs AS Kigali, Kigali Stadium – 3:00PM
Espoir FC vs Gicumbi FC, Rusizi Stadium – 3:00PM

Ku wa gatanu tariki ya 19 Ugushyingo 2021:
Marine FC vs Mukura VS&L (Wasubitswe)
Gasogi United vs Rutsiro FC, Kigali Stadium – 12.30PM
Kiyovu SC vs Police FC, Kigali Stadium – 3:00PM

Ku wa gatandatu tariki ya 20 Ugushyingo 2021:
Rayon Sports FC vs Bugesera FC, Kigali Stadium – 3:00PM
Etincelles FC vs APR FC (Wasubitswe)
Etoile de l’Est vs Musanze FC, Ngoma Stadium – 3:00PM