Ubuyobozi bw’ikinyamakuru Rushyashya (Management Board) buramenyesha abakunzi n’abasomyi b’ikinyamakuru Rushyashya ko Jean Lambert Gatare ariwe wagenwe n’ubuyobozi kuba Umwanditsi Mukuru mushya w’ikinyamakuru Rushyashya mu rwego rw’agateganyo akaba asimbuye Nyakwigendera Jean Gualbert Burasa.
Jean Lambert Gatare akaba afite ubunararibonye mu mwuga w’itangazamakuru aho yakoreye itangazamakuru mpuzamahanga hamwe niryo mu Rwanda ndetse akaba arangwa n’umurava mubyo akora byose.
Ikinyamakuru Rushyashya kirizeza abakunzi n’abasomyi ko kitazatezuka ku murongo kigenderaho wo guhangana n’abahakana bakanapfobya Jenoside yakorewe Abatutsi, abavugizi babo ndetse n’abandi bagamije kubuza Abanyarwanda amahoro bagamije ku basubiza mu icuraburindi. Ikinyamakuru Rushyashya kinabijeje ko kizakomeza kubagezaho inkuru zicukumbuye.
Murakoze.
Ubuyobozi.
