Mu minsi ya vuba Burundi 24 TV irasohora inkuru mbarankuru itangaje kuri Nkurunziza n’ababyeyi be

Amakuru dukesha Burundi 24 TV avuga ko mu gihe cya hafi iri shami ry’itangazamakuru rigiye kugaragaza amashusho n’amajwi kuri TV Burundi 24, inkuru mbarankuru igizwe n’iminota 52. Iyo nkuru ikazaba ivuga ku buzima bwa Perezida w’u Burundi Nkurunziza Pierre.

Mu gutara iyo nkuru yakozwe n’umunyamakuru ufite ubwenegihugu bw’u Burundi n’u Bufaransa witwa Jean Jacques afatanyije n’itsinda rya TV Burundi 24 bahuye na se ubyara  Nkurunziza,  mu majyaruguru y’i Bugande  ku mupaka wa Kenya aho yahatuye uhereye mu 1975 ari kumwe n’umugore we wa kabiri bafitanye abana 4.

Uwo musaza akora umurimo w’ubucuruzi,  akaba atekanye muri ako karere ni se wa Perezida  w’Uburundi, avuga uburyo yaganye iy’ ubuhunzi, kuko ngo  yari yanze gushyingirwa ku ngufu umututsikazi.

Iyi nkuru mbarankuru ya TV Burundi 24 izagaragaza  n’ifoto y’undi mubyeyi  wa Nkurunziza [ mama we] bivugwa ko yaba afite ibibazo by’ihungabana mu mutwe kandi bikavugwa ko ngo yaba yarajyanwaga mu bapfumu, bikavugwa ko yahoranaga ubwoba.

Ibindi bimenyetso bihamywa n’abakoze iyo nkuru bavuga ko ubu burwayi bwo mu mutwe kuri ubu buri gukurikirana  Nkurunziza cyane ko umubyeyi we ngo yaba yarahisemo kumutangaho igitambo mu bapfumu  kugira ngo abashe kubaho, akaba yaratanze umwana we [Nkurunziza] agifite imyaka 5 y’amavuko, kuko icyo gihe bari baramuhitishijemo gupfa cyangwa gusara.

Abantu bibaza niba Perezida w’u Burundi Nkurunziza  yaratanzweho igitambo mu bapfumu akaba akiriho kuri ubu, ni uko nyina yahisemo umuhungu we kuzahora ari mu rwego rw’abafite uburwayi bwo mu mutwe nkuko byanditswe muriyo nkuru. Iki kibazo nyamukuru gitegerejwe kuzatangazwa na TV Burundi 24.

Abanyamasengesho basengana n’umufasha we Denise Nkurunziza bamugiriye inama yo guhora asenga ngo bitaba ibyo ngo imitsindo yo kwa nyina ikazamukurikirana. Nguwo Perezida w’u Burundi,utumye igihugu kigwa mukaga k’ubukene, umutekano muke wateye impunzi zitabarika ziri hanze y’igihugu.