Paul Rusesabagina na Sankara kwitwerera ibitero bya baringa mu Nyungwe  bimubyariye amazi nk’ibisusa  

Paul Rusesabagina wamenyekanye hifashishijwe filimi yamukozweho yiswe ’Hotel Rwanda’.
Iyi filimi ’Hotel Rwanda’ yakozwe nyuma y’uko Paul Rusesabagina akwirakwije hirya no hino inkuru z’ibitangaza yakoze aho yavugaga ko yarokoye imbaga y’abatutsi bahungiye muri Hotel des Mille Collines. Iyi hoteli ikaba yarabanje kurindwa n’ingabo z’Umuryango w’Abibumbye zari zaroherejwe mu Rwanda.

Byose bijya gutangira, Paul Rusesabagina yanditse igitabo kivuga ku buzima bwe acyita “An Ordinary Man” bisobanuye mu Kinyarwanda ‘Umugabo Usanzwe’, aho aba avugamo ibikorwa bitangaje byo kurokora abantu ngo byakozwe na we ubwe kandi yari umuntu usanzwe muri icyo gihe.

Iki gitabo kimaze kumenyekana cyakuruye amatsiko ya benshi, bituma abaherwe ba Hollywood (ahakorerwa filimi muri Amerika) bayikoramo filimi yiswe ‘Hotel Rwanda’, ikinwa n’ikirangirire Don Cheadle.

Paul Rusesabagina kuri ubu ni umunyapolitiki utavuga rumwe na Leta iriho mu Rwanda, akaba ari mu bashinze umutwe w’ingabo za FLN , aho ishyaka rye PDR-Ihumure, ihuriyeho n’andi mashyaka yo mu rugaga rwa MRCD.

Ejo bundi rero yagiye gushaka inkunga  ngo yo gutangiza urugamba neza, ariko kubera kwitwerera ibitero byo mu Nyungwe bitariho, umuterankunga we  Nataki [ Dr. Ntakirutimana ]amutera utwatsi ati : “ibyo muvuga byo kugaba udutero tuvuye I Burundi mu kabeshya ngo muri mu Nyungwe kandi ari baringa niba mu tifatanyije n’ingabo za FDLR, jyewe mbivuyemo”.

Nuko Paul Rusesabagina ari kubura aragenda, agenda  amara masa, amakuru avuga ko kuri ubu ari gushakisha uwa muhuza na Rujugiro Tribert , usanzwe utera inkunga RNC. Kandi RNC idacana uwaka  na FLN ese aho ibibyo bizamuhira ni ukubitega amaso cyane ko n’izo ngabo zabo za FLN, abantu bose barimo n’impunzi z’abanyarwanda babahaga amafaranga bamaze kubona ko ari baringa.

Paul Rusesabagina yagiye  avugwaho kwambura nkana  uwo munyarwanda w’impunzi uba muri Amerika akaba ari n’umukuru w’ibitaro Hopital Laredo biherereye I Texas.

DR Eliel (Nataki) Ntakirutimana  ni nyiri ibitaro « HOPITAL LAREDO » biba i Texas, uyu nimwene Pasteur Ntakirutimana  uvuka mu ntara y’uburengerazuba mu cyahoze ari Perefegitura ya  Kibuye.

Dr. Eliel Ntakirutimana niwe  mutera  nkunga  mukuru wa Opposition nyarwanda ikorera muri Amerika, akaba n’umuterankunga wa FDLR, ikorera muri Repubulika iharanira demokarasi ya Congo. Akaba yarahoze abana mu ishyaka na Rusesabagina, baza gushwana kubera ubuhemu  Rusesabagina yakoreye uyu muganga ariko baje kubunga  nyuma  barasubirana. Indi nkuru wasoma…

https://rushyashya.net/2018/10/04/rusesabagina-ngo-yaba-avuye-i-burundi-gusura-ingabo-za-fln-mugihe-sankara-avugwa-muri-uganda/