Lt Col Munyengango Innocent niwe muvugizi mushya w’Ingabo z’u Rwanda, umwanya asimbuyeho Brig Gen Safari Ferdinand wari uwuriho by’agateganyo.
Lt Col Munyengango yagizwe Umuvugizi Mushya w’Ingabo ku wa 26 Nzeri 2017, gusa kuri uyu wa Kabiri nibwo byatangajwe ko ariwe uri kuri uyu mwanya.
Aganira n’abanyamakuru, Lt Col Munyengango, yavuze ko arajwe ishinga no gukora neza akagera ikirenge mu cy’abamubanjirije.
Lt Col Munyengango ni umwe mu basirikare b’u Rwanda bagiye mu butumwa bw’amahoro muri Sudani y’Epfo. Ku wa 31 Kanama 2016 yahagurutse ku Kibuga cy’Indege i Kanombe ayoboye abasirikare 165 barwanira mu kirere berekeje mu butumwa bw’amahoro.
Uwari muvugizi w’agateganyo w’Ingabo z’u Rwanda, Brig Gen Safari Ferdinand yagiye kuri uyu mwanya tariki 17 Nyakanga 2017 nyuma yaho Lt Col René Ngendahimana yari amaze gusezererwa mu ngabo agiye mu kirihuko cy’izabukuru.
Lt Col Munyengango Innocent
