Umuvugizi wa FDLR La Forge Bazeye na Maneko mukuru wa FDLR Lt. Col Theophile Abega I Kigali? Imikoranire ya Museveni, Kayumba na FDLR yaba igiye kujya ahagaragara!

Amakuru ikinyamakuru Rushyashya gikesha igitangazamakuru cyandikirwa mu Bufaransa cyitwa RFI cyo ku wa 28 Mutarama 2019 gihamya ko mu gihe Paul Kagame yagombaga kwerekeza I Kinshasa hamwe n’itsinda yari ayoboye y’Abakuru b’ibihugu b’Ubumwe bw’Afurika (UA) akaba kandi yarigeze no guhagarika itangazwa ry’amajwi ya burundu ku mwanya wa Perezida.

Icyo gihe ubutegetsi bwa Kongo Kinshasa bwari bwamaze kohereza mu ibanga rikomeye abayobozi  babiri  b’umutwe w’iterabwoba wa FDLR b’Abanyarwanda, umwe muri abo ni umuvugizi wabo ari we LaForge Fils Bazeye boherejwe I Kigali, nkuko tubikesha RFI.

Abagize Servise za Kongo batangiye kwitana ba mwana aho bavugaga ko LaForge Bazeye yifatanyije n’utundi dutsiko tw’Abanyarwanda bahuza umugambi, abo ni itsinda ryigometse ku butegetsi bw’u Rwanda  rya RNC rya Jenerali Kayumba Nyamwasa, rigamije gutera u Rwanda riturutse ku butaka bwa Kongo.

Umuvandimwe wa LaForge Bazeye witwa Petero Celestin Ruhumuriza Uba Norvege yavuze ko atewe ubwoba bw’ubuzima bwa Bazeye aho yagize ati ‘‘Bakimara kuvuga amakuru ko hagiye kuza itsinda rizaba riyobowe na Kagame, icyo gihe abagize ubutegetsi bwa Kabila, bakaba bari ku marembera y’ubutegetsi, bohereje itsinda i Kigali, jyewe ubwanjye nahise ntekereza ko hazaba ikintu kibi kidasanzwe ku bijyanye na mwene data’’.

Petero Celestin Ruhumuriza mwene se wabo na  LaForge Bazeye yakomeje avuga ko abayobozi ba Kongo Kinshasa bahakanye bivuye inyuma uko kohereza  LaForge Bazeye ko ntaho bihuriye na gato no guhanahana uwo muntu mu buryo bwa Politiki bati ‘‘Bazeye yafashwe na Servise z’iperereza nyuma y’iminsi yamaze mu nama z’ubugambanyi i Kampala, nkuko byatangajwe n’inzego z’umutekano muri Kongo.

Umuvugizi w’ingabo za FDLR yatawe muri yombi ku wa 15 Ukuboza  umwaka ushize ku mupaka wa Bunagana hamwe na mugenzi we wari muri uwo mutwe wiwa Théophile Abega wari ushinzwe ubutasi muri FDLR. Itabwa muri yombi ry’abo bagabo bombi ryatangajwe ku munsi ukurikiraho, ntabwo ari ubutegetsi bwa Kongo ahubwo n’ubuyobozi bw’u Rwanda bwahise busaba ako kanya kubohereza.

Umugambi mubisha wo gutera u Rwanda bavuye ku butaka bwa Kongo

Ku ruhande rwa Kongo Kinshasa, ntabwo batinya kugaragaza intege nke mu gihe cyashize mu kohereza abo bayobozi  babiri i Kigali, kuri ubu bitwaza ko bari barihaye igihe gihagije cyo kwiga icyo kibazo, ariko inyandiko n’amatelephone byafashwe byagaragaje ko bari basanganywe ubumwe n’imikoranire na RNC mu mugambi wo guhungabanya umutekano mu karere.

Andi makuru yaturutse mu inzego zizewe mu bijyanye n’umutekano muri Kongo ahamya ko umuvugizi wa FDLR yabonanaga n’abakuru baturutse I Bugande babaga bari kumwe n’andi matsinda, abo n’abari mu batavuga rumwe n’ubuyobozi bw’u Rwanda, aribo RNC bayobowe na Jenerali Kayumba Nyamwasa, intego ikaba yari gutera u Rwanda baturutse ku butaka bwa Kongo Kinshasa.

Minisitiri w’ingabo wa Kongo  Crispain Atama Tabe

Ibyo birego kandi bigaragara mu ibaruwa Minisitiri w’Ingabo wa Kongo yanditse ku wa 18 Mutarama ku munsi ubanziriza inama  y’abakuru b’ibihugu yabereye I Addis-Abeba. Reba ibaruwa..

Aha Minisitiri w’ingabo wa Kongo witwa Crispain Atama Tabe yasabye Leila Zerrougui  umuyobozi wa MONUSCO ubufasha bw’ingabo z’umuryango w’abibumbye witwa “Casques bleus” mu rurimi rw’amahanga, Minisitiri Atama Tabe yagize ati ‘‘kubera y’uko FDLR na ba Kayumba bagiye kuva mu Majyaruguru ya Kivu bagana mu Majyepfo ya Kivu nkuko bahamagawe na Kayumba kugira ngo bagire ubumwe, kugira ngo batere u Rwanda baturutse muri Kongo”.

Ariko igitangaje kubera ubugambanyi bwa MONUSCO no kwanga  kuburizamo uyu mugambi wa RNC na FDLR  iyo baruwa  ntabwo yayakiriye.

Ku bijyanye n’ubutumwa bw’amahoro bw’umuryango w’abibumbye muri Kongo [ MONUSCO] ngo ntabwo yigeze ihakana gukorana n’Ingabo za Kongo Kinshasa (FARDC) ariko ko bagiye bamenyesha abayobozi ba Kongo ko muri izo ngabo  za Kayumba harimo amagana ya FDLR.

Iri fatwa ry’Umuvugizi wa FDLR La Forge Bazeye na Maneko mukuru wa FDLR Lt. Col Theophile Abega kuza I Kigali, abantu basesengura iby’umutekano muri kano karere barahamya ko amabanga  ya Museveni, Kayumba na FDLR yaba igiye kujya ahagaragara!