Minisiteri y’Ubuzima iratangaza ko kuri uyu wa kane tariki 26 Werurwe 2020, mu Rwanda hagaragaye abandi bantu icyenda barwaye Coronavirus. Ibi byatumye umubare w’abarwaye Coronavirus mu Rwanda ugera kuri mirongo itanu (50).
Muri abo bantu icyenda, harimo abantu batanu baje baturutse i Dubai bahita bashyirwa mu kato.
Hari umuntu umwe waje aturutse muri Amerika wahise ashyirwa mu kato.
Hari umuntu umwe waje aturutse mu Buholandi watahuwe ko yahuye n’undi urwaye Coronavirus mu Rwanda, ahita ashyirwa mu kato.
Abandi babiri ngo byamenyekanye ko bahuye n’abandi barwaye Coronavirus mu Rwanda, bahita bashyirwa mu kato.
Abarwayi bose barimo kuvurirwa ahantu habugenewe kandi barimo koroherwa, nk’uko iri tangazo rya Minisiteri y’Ubuzima ribivuga.
