Mu minsi micye ishize nibwo Miss Uwase Vanessa wabaye igisomnga cya Miss Kundwa Doriane yatandukanye na Olvis wo mu itsinda rya Active, amushinja ko yasanze ari umwana, ,Mu gihe Olvis yavuze ko adakwiye kumwita umwana kandi bararyamanye. Magingo aya uyu mukobwa yeruye yemera ko yaryamanye na Olvis ariko avuga ko uwamutera ibuye ari umukobwa w’isugi.
Mu Kiganiro yagiranye n’ikinyamakauru Izubarirashe ducyesha iyi nkuru, Vanessa yeruye yemeza ko yaryamanye na Olvis wo muri Active ariko yongeraho ko nta nka yaciye abamere ndetse ko nta kidakorwa yakoze.
Yagize ati : “Kuri njyewe numva ko umuntu wese byamubaho. Ntabwo ari ukuvuga ngo ni njye mukobwa wenyine mu Rwanda wambariye ukuri umuntu akunda… Ibyo ari byo byose si njye njyenyine wabikoze mu Rwanda cyane ko si umuhungu uhise wese, yari umusore w’inshuti yanjye dukundana… Ubigaya wese ni uko wenda ashobora kuba ari isugi cyangwa se ategereje kuzakora ubukwe kugirango nawe yambarire ukuri uwo akunda. Gusa simvuze ko ibyo ngibyo ari ibintu byiza cyangwa se abantu bagakoze, gusa nanone ntabwo ntekereza ko naba naraciye inka amabere kuburyo abantu babigaya ngo bancireho iteka.”
Miss Vanessa yemeza ko kuba yararyamanye na Olvis nta gikuba cyacitse ko ahubwo byatewe n’urukundo yaramufitiye.
M.Fils
