Mu minsi ishize twakugejejeho inkuru y’uko umunyamideli Hamisa Mobetto yashyikirije ikirego urukiko ashinja Diamond Plutnumz kutuzuza inshingano ze nk’umubyeyi kuko yari amaze amezi atarenga 3 adatanga indezo.
Ku wa 12 Ukwakira 2017, Bongo 5 yifuje kumenya igihano Diamond ashobora kuzahabwa naramuka ahamwe n’icyaha cyo kutita ku mwana yabyaranye na Hamisa Mobetto iganira n’umunyamategeko Abdallah Shaibu atangaza ko hagendewe ku itegeko ry’abana ryo mu mwaka w’2007, ingingo ya 21 ivuga ko umuntu wese udatanga indezo akanirengagiza inshingano ze no kwita ku mwana yabyaye ahanishwa gufatira umushahara we ukajya uhabwa umwana ndetse agacibwa n’amande atari munsi y’amashiringi ya Tanzania ibihumbi 500 (arenga ibihumbi 100 uyabaze mu mafaranga y’ u Rwanda) atanarenga amashiringi ya Tanzania miliyoni 5(arenga miliyoni 1 uyabaze mu mafaranga y’u Rwanda).
Mu kwezi gushize kwa Nzeri 2017 nibwo Diamond yemeye ko yabyaranye na Hamissa Mobetto nyuma y’igihe kinini abibazwaho ariko akicecekera.
