Abanyarwanda batanu baherutse gufatirwa mu nzira yerekeza Kampala bagasubizwa inyuma bakomeje kuburirwa irengero kuko bafungwe ahantu hatazwi.
Aba ni Mugisha Bategejo Christopher, Umuhire Joselina, Imanishimwe Boaz, Niyitegeka Gilbert na Kilangama David Matayo.
Aba Banyarwanda bafashwe n’inzego z’umutekano za Uganda kuwa 5 Gashyantare 2019 banyuzwa ku mupaka wa Kisoro. Aba bageze ku mupaka bari kumwe na bagenzi babo Jean de Dieu Niyonteze na Pauline Dusabirema bajwe kurekurwa nk’uko Virunga Post ibyemeza.
Iki kinyamakuru cyemeza ko uretse aba barekuwe bari kuri kuri Sitasiyo ya Kisoro, bagenzi babo hataramenyekana aho bafungiwe.
Amakuru adafitiwe gihamya ni uko abarekuwe batanze ruswa.
Abanyarwanda bafatirwa muri Uganda bagiye bavuga ko bakorewe iyicarubozo ndetse bagacuzwa utwabo.
Bavuze ko bafungiwe muri gereza z’ibanga, bagakubitwa ijoro n’amanywa.
