Ubuyobozi bw’ikipe ya Gasogi United bwamaze gutangazako uwari umutoza wayo mukuru AHEMED Adel ndetse n’umwungiriza we BAHAAELDIN Ibrahim.
Aba bagabo bombi basezerewe nyuma yaho bari bamaze iminsi 105 mukazi, ni ukuvuga hafi amezi atatu n’imisago batangiye akazi muri Gasogi United, dore ko batangiye imirimo ubwo hari ku itariki ya 18 Nyakanga 2022.
Nubwo ntaruhande na rumwe ruravuga icyateye itandukana ry’abo, hari amakuru avuga ko uyu mugabo watozaga Gasogi atigeze agirana umubano mwiza n’abandi bakorana muri iyi kipe harimo n’abakinnyi.
Gusa ikijyanye n’umusaruro we ntabwo wari mubi kuko kugeza ubu mu mikino itandatu ya shampiyona y’u Rwanda yari amaze gutoza, yari afitemo amanota 10 ahwanye n’itsinzi y’imikino itatu ndetse no kunganya kabiri akaba yaratsinzwe kabiri.
Adel na Ibrahim bakomoka mu gihugu cya Misiri si ubwambere batandukanye n’ikipe ya hano mu Rwanda, kuko muri 2021 nabwo batandukanye na Musanze FC bashinjwa guteranya abakinnyi ndetse n’ubuyobozi.
