Bisi ya sosiyete itwara abagenzi ya RITCO yarimo abagenzi 56 bava i Rubavu berekeza i Kigali, yahiriye mu nzira igeze mu Karere ka Gakenke irakongoka.
Iyi modoka yakongokeye mu Kagari ka Cyintare, Umurenge wa Kivuruga, Akarere ka Gakenke ahagana saa mbili n’iminota 15 za mu gitondo ariko ku bw’amahirwe nta mugenzi wahatakarije ubuzima nk’uko inzego z’ibanze zabyemeje.
Umunyamabanga Nshingwabikorwa w’Umurenge wa Kivuruga, Nkurunziza Jean Bosco, yabwiye IGIHE ati “Nta muntu wayiguyemo nta n’uwakomeretse kuko umushoferi akibona umwotsi uva muri moteri yahise abasaba gusohoka no gukuramo ibintu byabo byose.”
Inzego zishinzwe umutekano zatabaye ziza kuzimya ariko zisanga imodoka yamaze gukongoka.
Bisi ya sosiyete itwara abagenzi ya RITCO yahiye irakongoka
Iyi bisi yavaga i Rubavu igana i Kigali yahiriye mu Kagari ka Cyintare, Umurenge wa Kivuruga, Akarere ka Gakenke
