Congo yataye muri yombi undi muyobozi ukomeye muri FDLR

Kuwa 03 Ukoboza nibwo byamenyekanye ko Liyetona Koloneri Manudi Asifiwe wari Komanda CRAP wa FDLR yatawe muri yombi na FARDC,byemezwa na Major Ndjike Eric Umuvugizi w’ingabo za Repubulika iharanira demokarasi ya Kongo muri Kivu y’Amajyepfo.

Amakuru agera kuri Rwandatribune.com dukesha iyi nkuru, arahamyako uyu Liyetona Koloneri Manudi Asifiwe,yaraje mu bikorwa by’ubutasi ahitwa mu gasoko ka Ndoshyo Gurupoma ya Mutaho muri Teritwari ya Nyiragongo ni muri Km 12 ugana mu mujyi wa Goma , ubusanzwe Liyetona Koloneri Manudi Asifiwe,akaba ariwe wagiye ayobora ibitero byibasiye ,abasivili mu mirenge ya Busasamana na Bugeshi ho mu Karere ka Rubavu.

Liyetona Koloneri Manudi Asifiwe yafatanwe n’abamurinda babiri,akaba yari hamwe na Liyetona Yvon wabashije gutoroka Ingabo za FARDC zikaba zikimushakisha.

Liyetona Yvon wabashije gutoroka Ingabo za FARDC zikaba zikimushakisha.

Liyetona Koloneri Manudi Asifiwe, amazina ye y’ukuri ni HABIMANA Jean Damacsene yavukiye mu cyari Komini Ndusu Perefegitura ya Ruhengeri,ubu ni mu Murenge wa Mugunga,Akarere ka Gakenke,Intara y’Amajyaruguru,yinjiye mugicengezi ubwo cyitwaga ALIR yaje guhinduka FDLR/FOCA muri 1998,akaba aribwo yarari kurangiza umwaka wa 6 kuri COLLEGE NKUNDUBUREZI JANJA, mu ishami ry’amategeko.

Itabwa muri yombi rya  Lt.Col HABIMANA Jean Damacsene uzwi nka Manudi Asifiwe rivuze iki?

Nkuko twakomeje kubagezaho amakuru y’izi nyeshyamba k’uburyo bwimbitse uyu mwaka wa 2019 n’umwaka waguye nabi abarwanya Leta y’ubumwe uhereye kuri RNC. P5, FLN, FDLR, RUD URUNANA na FPP, iyi mitwe yise yitwaje intwaro, yatakaje abantu b’inkingi ya mwamba kandi usanga bari ngenderwaho, uyu Manudi rero yari yungirije Koloneri Ruhinda mu buyobozi bwa CRAP uyu Ruhinda, amakuru akaba avuga ko yacitse umugongo ubwo yahungaga ibitero bya FARDC.

Ubusanzwe CRAP mu magambo arambuye ni Commandos de Recherche et d’Action en Profondeur,ifite inshingano zo kurwanira imbere ndetse n’ubutasi ariko muri FDLR  ninabo bashinzwe ubusahuzi bw’ibiribwa, imiti no kurinda abayobozi.

Koloneri Manudi yari we moteri ngenderwaho k’uburyo ababaye muri FDLR bavuga ko kubona umuntu nka Manudi bizabafata iminsi myinshi,ifatwa rya Manudi n’insinzi ikomeye kuri CONGO-KINSHASA ndetse n’uRwanda.

Liyetona Koloneri Manudi Asifiwe, amazina ye y’ukuri ni HABIMANA Jean Damacsene yavukiye mu cyari Komini Ndusu Perefegitura ya Ruhengeri, ubu ni mu Murenge wa Mugunga,Akarere ka Gakenke, Intara y’Amajyaruguru,yinjiye mugicengezi ubwo cyitwaga ALIR yaje guhinduka FDLR/FOCA muri 1998,akaba aribwo yarari kurangiza umwaka wa 6 kuri COLLEGE NKUNDUBUREZI JANJA, mu ishami ry’amategeko,akaba yari afite abagore batatu,umwe yari iGoma,babiri muri Uganda.