Inteko rusange y’Umuryango FPR Inkotanyi ku rwego rw’umujyi wa Kigali, kuri uyu wa Gatandatu yatoye Paul Kagame nk’umukandida uzabahagararira ku rwego rw’igihugu, mu matora yo gushaka uzahagararira ishyaka mu matora ya Perezida wa Repubulika azaba tariki 3 na 4 Kanama uyu mwaka.
Muri iyi mpera y’icyumweru nibwo abanyamuryango ba FPR Inkotanyi ku rwego rw’Intara n’Umujyi wa Kigali baratora ubahagararira ku rwego rw’igihugu mu gushaka uzahagararira ishyaka ryose mu matora.
Mu banyamuryango basaga 2000 bari baturutse mu turere dutatu tugize umujyi wa Kigali, bose batoye ijana ku ijana Paul Kagame dore ko ari na we mukandida rukumbi wazamutse muri utwo turere uko ari dutatu.
Abanyamuryango ba RPF-Inkotanyi
Nyuma y’amatora mu ntara zoze n’umujyi wa Kigali, FPR Inkotanyi izaterana ku rwego rw’igihugu, hatorwe uzayihagararira mu matora ya Perezida.
