Ikipe ya Gorilla Football Club yamaze gutangaza ko yamaze kugirana amasezerano n’abakinnyi babiri bakomoka mu gihugu cy’u Burundi.
Abo bakinnyi ni Mavugo Cédrick wahoze akinira ikipe ya Vitalo’o FC akaba ari nawe wanayitsindiye ibitego byinshi mu mwaka ushize w’imikino wa 2022-2023.
Undi ni Rutahizamu wa Olympic Strar yo muri icyo gihugu cy’i Burundi nawe wamaze kugirana Amasezerano na Gorilla FC.
Aba bakinnyi bombi bakaba basinye amasezerano y’imyaka ibiri bakinira iyi kipe iri mu makipe ataritwaye neza cyane mu mwaka ushize w’imikinowa Primus National League.
Gorilla FC yaraye isinyishije aba bakinnyi bari baje mu Rwanda bagahita basubira mu gihugu cy’i Burundi mu mwaka ushize w’imikino wa hano mu Rwanda yasoje ku mwanya wa cyenda n’amanota 39.
Uyu mwaka w’imikino utaha wa 2023-2024 ikipe ya Gorilla FC ifite intego yo gusoza mu makipe atanu ya mbere nk’uko byemejwe n’umuyobozi w’iyi kipe Mudaheranwa Hadji Youssuf.
