Ikipe ya Rayon Sports yatangaje ku mugaragaro ibiciro by’itike y’umukino utegerejwe na benshi uzayihuza na Yanga SC yo muri Tanzania, uteganyijwe kuzabera kuri Stade Amahoro ku wa 15 Kanama 2025.
Ni umukino uzaba mu rwego rwo kwizihiza “Rayon Day”, umunsi ngarukamwaka wahariwe ibikorwa bya Rayon Sports birimo no kwerekana abakinnyi iba izakoresha mu mwaka w’imikino.
Binyuze ku rubuga rwa X, ikipe ya Rayon Sports yatangaje ko itike ta menshi ari iya Miliyoni 2 z’Amafaranga y’u Rwanda, naho iya make ikaba ari iy’ibihumbi Bitatu.
Uko ibiciro bihagaze kuri uyu mukino:
Upper Bowl: 3,000 Frw
Lower Bowl: 5,000 Frw
Classic Seats: 15,000 Frw
VIP: 30,000 Frw
VVIP: 100,000 Frw
Executive Seat: 150,000 Frw
SkyBox: 2,000,000 Frw
Mu mwaka ushize wa 2024, ikipe ya Rayon Sports kuri Rayon Day yatsindiwe kuri Kigali Pelé na Azam FC igitego 1-0.
