Urukiko mpuzamahanga mpanabyaha (ICC)rukorera The Haugue mu Buhollandi ruzatangira kuburanisha urubanza rwa Ahmad Al Faq Al Mahdi ruzatangira kuburanishwa mu mizi yarwo tariki 22 z’ukwezi gutaha.
Nk’uko amakuru atangazwa n’urwo rukiko abigaragaza, Al Mahid arashinjwa ibyaha byo mu ntambara no gusenya ku bushake inzibuko z’amateka n’izijyanye n’imyemerere yo gusenga zari Timbuktu muri Mali hagati y’itariki 30/06/2012 na 11/07/2012.
Urwo rubanza ruzaburanishwa n’abacamanza batatu aribo Raul Pangalangan, Antoine Kasia-Mbe Mindua na Bertram Schmitt. Ayo makuru ya ICC akagaragaza yuko kubera ko Al Mahdi yarangije gutangaza yuko atazarushya urukiko azahita yemera icyaha, urwo rubanza ruzatwara nk’icyumweru kimwe gusa. Ariko aramutse ahinduye ibitekerezo agahakana icyaha urwo rubanza ruzimurirwa ku yindi tariki rutware igihe kirekire nk’uko bisanzwe mu mikorere y’inkiko mpuzamahanga.
Ahmad Al Faq Al Mahdi
ICC yasohoye urwandiko rwo gutamuriyombi Al Mahdi tariki 18/09/2015, yishyikiriza urwo rukiko tariki 26/09/0215 ubu akaba acumbikiwe muri babuso y’urwo rukiko.
Kayumba Casmiry
![Ibintu bitandatu [ 6 ] bigaragaza isenyuka rya RNC na P5.](https://rushyashya.net/wp-content/uploads/2019/09/Publication1.pub-P5.-360x240.jpg "Ibintu bitandatu [ 6 ] bigaragaza isenyuka rya RNC na P5.")
