Rushyashya n’ikinyamakuru gifite ibyitso hose kw’isi ari nayo mpamvu ar’ikinyamakuru kizewe.
Kugez’ubu nta wunyomoza inkuru zanditswe kuko ar’iz’ukuri uretse abambari b’ibigarasha kuko bihisha muri media yitwa Rugali kandi ibigarasha bifite impamyabushobozi yo gusebya no kuba ibigwari ku rubuga rwa politike.Ubwo buswa bwuzuye kuri za media zabo kuko bananiwe kugira icyo babwira Abanyarwanda,mu rwego rwa politike,ariko bakifashisha amazimwe n’amatiku bahererekanya ku mbuga,nabo ngo babone icyo bavuga.
Ariko uhakana ubugore ngo aragarama.Hazagire unyomoza rushyashya ku makuru y’ibigarasha byo hanze aha,atange naza preuves maze natwe abanditsi tuzahe rushyashya noneho amakuru y’akar’imurore k’izi nyangarwanda tubana,cyane cyane muri Diaspora.Uwo tutaziye se tuzi nyina.Habayeho ugihe Abanyarwanda bahungaga igihugu bitewe n’imyifatire yabo mibi,bakurikiranwaho ibyaha bitandukanye.
Ar’abajura,ar’abagambanyi,ar’abatekamutwe,ar’abishakira amaramuko yabo,yewe ndetse n’abanyeshuli boherezwa na Leta kwiga.barangiza amashuli bagahitamo kuguma mu mahanga.
Hari n’Interahamwe zahunze Gacaca,hari Abajenosideri banyanyagijwe n’Abazungu cyane cyane Abafaransa ku butaka bw’i Burayi no muri Amerika,hagakubitiraho,Ibigarasha byatatiye igihango.Kubera ipfunwe,ikimwaro no hugemuka,bageze mu mahanga bashinga za radio zituka ubutegetsei bwacu twitoreye,ndetse bamwe babigiramo business bacuruza utugambo tudafutuye.
Perezida Kagame kurugamba rwo kubohora Igihugu
Maze haduka haje abiyita ko babanye na Kagame mw’ishyamba,abiyise inkoramutima ze,nkaho we atagira umuryango n’inshuti zidahemuka.Abo bageze hanze,za Nterahamwe ziti tugize Imana tubonye noneho abantu bazadufasha urugamba rwo kwangiza igihugu n’ubuyobozi,kandi bari hafi ya Nyakubahwa Paul Kagame.Baravuga ye! Barasebya biratinda,ureste ko babaye nk’incoreke zivug’amazimwe,abantu b’abagabo nka Jean Paul Turayishimye,wubahutse kuniga umukecuru abitumwe na Kayumba shebuja.
Iyo nkuru ntawutayizi.Ubu niwe uhagarariye Radio Mazimwe ya RNC.Vuvuzela Serge Ndayizeye urara mu modoka kuko yirukanwe mu nzu n’umugore we.Himbara ,Drug Addict,Redcom uwo nyina yashatse guta mu ruzi bamugarurira hafi,ndetse n’izindi ndindagizi ntiriwe mvuga amazina kuko ni benshi.
Rero burya si buno twari twarabahariye urubuga,rwo gusenya igihugu na H.Ewacu,muvuga amahomvo ,mwubahuka umuryango we muwandagaza nkuko ubwanyu mwandagariye ku gasozi.Kuv’ubu mukenyere duhangane,tubashyire ku karubanda amanywa y’ihangu,mumenye ko tutazatinya ababakingira ikibaba bar’i Kigali bihishe inyuma y’imyanya bahawe no kwitwaza Ubuhutu ngo nuko ntawukoma rutenderi.
Ntawe tuvumbaho imyanya n’amaramuko.hanze twifashe neza cyane mu gaciro twahawe na His Excellency.Ntawuzadukanga ahubwo tuzamukandagira.Murabe mwumva,abo mbwira mukuruguture amatwi Museruke niba mufite ukuri mukugaragaze,mujye ahabona.Ibyo binyoma mukwiza hose ngo muramuke,ntibizabagaburira ubuziraherezo.
Twe dufite igihugu nyabagendwa,dufite Intare Umwami w’ishyamba,turarya turahumeka,turatarama bigatinda,umutekano wacu turanawugemura mu mahanga,Abanyarwanda turakeye,Abari n’abategarugori barasa na bike,baremye nta mupanga bikeka.Ya majosi yongeye kuba maremare kuko inka zikamwa.Iyo nzara muririmba ni mwe muyifite,cyane cyane y’ubutegetsi mutazapfa mubonye.
Ibyabananiye mu kiri mu gihugu sibyo muzashobora mwububa,muhakirizwa.
Mwitonde,murye izo ntica ntikize y’Abazungu,ahasigaye muharire Intore Izirusha intambwe,ubushobozi bwo kuyobora igihugu kuko ngo Agati gateretswe n’Imana ntigahungabanywa n’umuyaga.
Ntako mutagize ariko muraruhira ubusa.
Mutezintare Jean-Michel
Cleveland-Ohio
