Kivu Y’Amajyaruguru: Imirwano Iravuza Ubuhuha Hagati Y’Abanyamulenge ’Twirwaneho’ Na Mayi-Mayi

Mu ntara ya Kivu y’amajyepfyo hafi na Uvira haravugwa imirwano ikaze hagati y’abarwanyi ba Mai Mai n’insorensore z’Abanyamulenge ziyita Twirwaneho.

Amakuru VOA ikesha abayobozi muri ako gake, avuga ko iyo mirwano yongeye kuvuka mu muhana w’ahitwa ku Murambya muri Bijombo, muri Territoire ya Uvira.

Biravugwa ko umuntu umwe ariwe umaze kumenyekana ko yaguye muri iyo mirwano. Amazu menshi nayo akaba yatwitswe.

Mu kiganiro n’Ijwi ry’Amerika, John Sebineza uhagarariye Abanyamulenge muri Bijombo yavuze ko abateye baturuka ahitwa za Murambya na Masango.

Yavuze ko bagerageje gusaba ingabo za Leta kubatabara ariko ko ntacyo basubijwe.

Muri Nyakanga, izi nyeshyamba za Twirwaneho- Banyamulenge, zashinjwe kugaba ibitero mu misozi miremire ya Bijombo, muri Teritwari ya Uvira, abo bantu bishwe bakaba bari abo mu bwoko bw’Abanyindu.

Amakimbirane ahuza imitwe y’inyeshyamba za ‘Twirwaneho Banyamulenge’ n’andi moko yahereye muri Gicurasi avugwa, aho bitangazwa ko batabaza igisirikare cya Leta (FARDC) kikanga kwitambika muri iyo mirwano.