Mu marira avanze n’ibyishimo, Umufaransa Ousmane Dembele ukinira PSG yatwaye Ballon D’Or 2025

Rutahizamu w’Umufaransa ukinira Paris Saint-Germain, Ousmane Dembélé, ni we wegukanye Ballon d’Or 2025, igihembo gihabwa umukinnyi mwiza kurusha abandi ku isi.

Uyu mukinnyi w’imyaka 28 yatsinze ibitego 35 ndetse anatanga imipira 14 yavuyemo ibitego mu mikino 53 yakiniye PSG umwaka ushize, ubwo iyi kipe yegukanaga ibikombe bitatau (Ligue 1, Coupe de France na UEFA Champions League bwa mbere mu mateka yayo.

Dembélé yabaye umwe mu batsinze ibitego byinshi muri Ligue 1 aho yatsinze 21, ndetse atorerwa kuba umukinnyi w’umwaka muri shampiyona y’u Bufaransa no muri Champions League.

Akaba kandi yaranagejeje PSG ku mukino wa nyuma wa Club World Cup batsinzwe na Chelsea i New Jersey.

Mu muhango wabereye i Paris ku wa mbere, Dembélé yahigitse rutahizamu ukiri muto wa Barcelona Lamine Yamal w’imyaka 18, ari na we wegukanye Kopa Trophy y’abakinnyi bakiri bato ku nshuro ya kabiri yikurikiranya.

Mu byishimbo byinshi bivanze n’amarora Dembélé yarize ubwo yakiraga igihembo, nubwo ikipe ye yari iri gukina umukino wa shampiyona aho yatsinzwe na Marseille 1-0, Dembele akaba atawukinnye kubera imvune.

Umutoza wa PSG, Luis Enrique, na we yatwaye igikombe cy’Umutoza mwiza w’umwaka ndetse na PSG iba ikipe y’umwaka.

Uko abandi batsindiye ibihembo:

• Lamine Yamal (Barcelona, Espagne) – Kopa Trophy (umukinnyi muto w’umwaka)

• Vitinha (PSG, Portugal) – yabaye uwa gatatu ku rutonde rwa Ballon d’Or

• Mohamed Salah (Liverpool, Misiri) – yabaye uwa kane

• Cole Palmer (Chelsea, U Bwongereza) – yabaye uwa munani

• Viktor Gyökeres (Arsenal, Suwede) – yegukanye Gerd Müller Trophy nyuma yo gutsinda ibitego 54 mu mikino 52 akinira Sporting Portugal, ndetse yinjiza 9 mu mikino 6 ya Nations League

• Gianluigi Donnarumma (Man City, U Butaliyani) – yegukanye Yashin Trophy ku nshuro ya kabiri nyuma yo kugira clean sheets 17 mu mikino 47 akinira PSG mbere yo kwerekeza i Manchester

Dembélé abaye Umufaransa wa gatandatu wegukanye Ballon d’Or, akaba ari uwa kabiri mu kinyejana cya 21 nyuma ya Karim Benzema wayegukanye mu 2022.