• Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
  • Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • APR BBC yabaye ikipe ya mbere mu Rwanda igeze ku mwanya wa Gatatu mu irushanwa rya Basketball Africa League (BAL)   |   13 Jun 2025

  • Ububirigi, ibere ritindi ryonsa imitwe yo guhungabanya umutekano w’u Rwanda     |   12 Jun 2025

  • Burundi: Ntagitunguranye CNDD-FDD yihaye imyanya yose mu matora atarimo abo bari bahanganye   |   12 Jun 2025

  • Wisunga umugabo mbwa mugakubitirwa hamwe, bizwi na Frank Ntwali nyuma yo kwisunga Kayumba Nyamwasa   |   11 Jun 2025

  • Ipfundo ry’urwango rutera abanyaburayi gusebya u Rwanda mu bitangazamakuru   |   11 Jun 2025

  • Minisitiri w’Intebe Dr. Ngirente yakiriye Itsinda ry’abaturutse mu ikipe ya Benfica yo muri Portugal   |   10 Jun 2025

 
You are at :Home»POLITIKI»Ntawunguka Pacifique uyobora FDLR ntamara kabiri – Gen Kabarebe

Ntawunguka Pacifique uyobora FDLR ntamara kabiri – Gen Kabarebe

Editorial 13 Jan 2020 POLITIKI

Umujyanama wa Perezida wa Repubulika mu by’umutekano, Gen James Kabarebe, yavuze ko Pacifique Ntawunguka uheruka kugirwa umuyobozi w’umutwe w’iterabwoba wa FDLR adashobora kumara kabiri, kubera ibitekerezo bye byuzuyemo amacakubiri n’urwango.

Yabigarutseho kuri uyu wa Kane ubwo yatangaga ikiganiro ku barimu b’amateka bo mu mashuri yisumbuye, bari mu itorero mu Karere ka Nyanza.

Gen Kabarebe yagarutse kuri Ntawunguka ubwo yari amaze gutanga ikiganiro ku mateka y’u Rwanda, ku rugamba rwo kubohora igihugu no guhagarika Jenoside yakorewe Abatutsi. Umwe mu babajije ibibazo yamusabye kubasobanurira uburyo yavuganye Ntawunguka, amusaba gutaha mu Rwanda.

Gen Kabarebe yasobanuye ko mu 2009 yamenye ko umugore wa Ntawunguka Pacifique ari umwarimu mu Karere ka Rubavu, ahitamo kumusanga kugira ngo avugane n’umugabo we, amugire inama yo gutaha.

Ati “Ndamubwira ngo ahamagare umugabo we baravuga, arangije nti mumpe noneho. Ndamubwira nti ’dore igihugu aho kigana, wowe uri umupilote, Jenoside yabaye uri mu Bufaransa wiga ubupilote, uraza ujya muri FDLR, abandi bose baratashye, ba Rwarakabije (Paul) baratashye, ba General Jerome (Ngendahimana) baratashye, dore Gen Murenzi (Evariste) ubu ni Brigade Commander i Karongi, icyo gihe Murenzi yari atarataha.”

Ikiganiro ngo cyarakomeje Gen Kabarebe amwereka impamvu akwiye gutaha akaza agafatanya n’abandi kubaka u Rwanda.

Ati “Ndamubwira nti abana ba Gen Murenzi RDF irabarihira amashuri, kandi nibyo Gen Murenzi ari muri Congo aturwanya ari muri FDLR, abana be RDF yabarihiraga amashuri. Umwana we w’umuhungu yanabonye buruse ya perezida, ubu mu cyumweru gishize yabonye PhD muri Microbiology, ni inzobere mu byo kurwanya kanseri.”

“Ntawunguka turamubwira tuti ‘dore abana ba Murenzi turabigisha n’abawe igihugu kiriho kirabigisha’. Kuki udataha”?

Ntawunguka ngo yarasubije ati “Nkubwire ikintu kimwe Gen, ati ‘Njyewe nzataha mu Rwanda ari uko nta mututsi n’umwe ukirurimo’.”

Gen. Kabarebe yabwiye abarimu ko yahise abwira Ntawunguka ko niba atekereza atyo atazigera ataha mu Rwanda.

Yasobanuye ko Mudacumura Sylvestre wari Umuyobozi wa FDLR amaze kwicwa muri Nzeri 2019, yahise asimburwa na Ntawunguka, gusa na we ntazatinda.

Ati “Ubu rero Mudacumura apfuye Pacifique ni we wamusimbuye, ubu ni we mukuru wa FDLR ariko nawe ntari bumare kabiri. Ntabwo waba mu mashyamba ya Congo urwanira gukora Jenoside ngo uzabeho; ni ibintu bitashoboka, ntabwo wabishobora.”

Yagaragaje umwanzi ukomeye igihugu gifite

Gen Kabarebe yabwiye abarimu b’amateka ko umwanzi w’u Rwanda ukomeye ari amacakubiri bityo bakwiye kuyirinda bakunga ubumwe kandi bagahuza imbaraga.

Ati “Ikintu cyahungabanyije u Rwanda, umwanzi warwo wa mbere n’ubungubu ushobora kuzaruhungabanya abantu batamwibanzeho, umwanzi w’u Rwanda ni amacakubiri nta kindi. Ni cyo cyashobora u Rwanda nta kindi cyadushobora.”

Yagarutse ku mateka avuga uburyo mbere y’ubukoloni Abanyarwanda bari babanye neza mu gihugu cyabo, baza kwangana no kwicana nyuma yo kubibwamo urwango.

Usibye kugira ingaruka ku mibanire, yasobanuye ko byatumye n’ubukungu bw’igihugu na benecyo budindira kuko batari bashyize hamwe.

Ibyo ngo byatumye FPR Inkotanyi yiyemeza kubohora igihugu no kugiha umurongo mwiza wo kunga ubumwe no guhuza imbaraga aho kuzitatanya.

N’ubwo bitari byoroshye, byagezweho bitewe n’intego FPR Inkotanyi yari ifite ndetse n’Umuyobozi udasanzwe, Kagame Paul uyiyoboye.

Ati “Ntabwo nzi ko hari ikindi kitari FPR n’Umuyobozi wayo wari kubishobora; umuyobozi umwe gusa ariko, njyewe mpamya ko iyo tugira undi utari Nyakubahwa (Perezida Paul Kagame) tutari kubishobora, tukagira undi utari we, ntitwari kubishobora, oya.”

Gen Kabarebe yavuze ko Perezida Kagame ari umuntu bamaze imyaka igera kuri 34 bakorana bya hafi, yemeza ko ibitekerezo bye mu gukemura ibibazo ku neza y’Abanyarwanda bitajya bihinduka.

Ayo ngo ni amahirwe Abanyarwanda bafite yo kumugira nk’umuyobozi mwiza udatezuka.

Ati “Muri uru rugamba twagize amahirwe yo kubona umuntu ufite imyumvire n’urwego rw’imitekerereze bihanitse cyane; ushobora guhangana n’ikibazo cyose uko cyaba giteye kose n’uburemere bwacyo akakibonera igisubizo; ayo ni amahirwe twagize.”

Abarimu b’amateka bari bitabiriye icyo kiganiro bagaragaje ko bacyishimiye, ndetse bakivanyemo impamba irimo guharanira kunga ubumwe no guhuza imbaraga mu kwiyubakira igihugu no kugiteza imbere.

Uwizeyimana Olive wo mu Karere ka Nyarugenge ati “Icyo nungukiyemo ni uko tugomba kunga ubumwe twirinda icyatuzanamo amacakibiri. Yadusobanuriye byinshi byatwubatse ku buryo numvise neza ibyiza byo kunga ubumwe.”

Itorero ry’abarimu b’amateka ryateguwe ku bufatanye bwa Minisiteri y’Uburezi; Ikigo gishinzwe guteza imbere Uburezi mu Rwanda na Komisiyo y’Igihugu y’Itorero.

Kuri iyi nshuro ryitabiriwe n’abarenga 1600, batorezwa mu karere ka Nyanza mu bigo by’amashuri bya Materi Dei, Collège du Christ Roi na Collège Louis de Monfort.

2020-01-13
Editorial

IZINDI NKURU

Tshisekedi arapfunda imitwe nk’uhiriye mu nzu: Ubu arakusanya abajenosideri ngo bamufashe kurwanya M23 no gutera u Rwanda

Tshisekedi arapfunda imitwe nk’uhiriye mu nzu: Ubu arakusanya abajenosideri ngo bamufashe kurwanya M23 no gutera u Rwanda

Editorial 08 Mar 2024
RDC: Abayobozi bemeye ko impungenge  za Ambasade ya Amerika zo guterwa zifite ishingiro

RDC: Abayobozi bemeye ko impungenge za Ambasade ya Amerika zo guterwa zifite ishingiro

Editorial 01 Dec 2018
Perezida Kagame na Putin bagaragaje inyota yo kongera umubano w’u Rwanda n’u Burusiya

Perezida Kagame na Putin bagaragaje inyota yo kongera umubano w’u Rwanda n’u Burusiya

Editorial 14 Jun 2018
Uganda: Perezida Museveni yohereje abashinzwe ibya gisirikare bashya mu Burundi na Afurika y’Epfo

Uganda: Perezida Museveni yohereje abashinzwe ibya gisirikare bashya mu Burundi na Afurika y’Epfo

Editorial 22 Dec 2018
Tshisekedi arapfunda imitwe nk’uhiriye mu nzu: Ubu arakusanya abajenosideri ngo bamufashe kurwanya M23 no gutera u Rwanda

Tshisekedi arapfunda imitwe nk’uhiriye mu nzu: Ubu arakusanya abajenosideri ngo bamufashe kurwanya M23 no gutera u Rwanda

Editorial 08 Mar 2024
RDC: Abayobozi bemeye ko impungenge  za Ambasade ya Amerika zo guterwa zifite ishingiro

RDC: Abayobozi bemeye ko impungenge za Ambasade ya Amerika zo guterwa zifite ishingiro

Editorial 01 Dec 2018
Perezida Kagame na Putin bagaragaje inyota yo kongera umubano w’u Rwanda n’u Burusiya

Perezida Kagame na Putin bagaragaje inyota yo kongera umubano w’u Rwanda n’u Burusiya

Editorial 14 Jun 2018
Uganda: Perezida Museveni yohereje abashinzwe ibya gisirikare bashya mu Burundi na Afurika y’Epfo

Uganda: Perezida Museveni yohereje abashinzwe ibya gisirikare bashya mu Burundi na Afurika y’Epfo

Editorial 22 Dec 2018
Tshisekedi arapfunda imitwe nk’uhiriye mu nzu: Ubu arakusanya abajenosideri ngo bamufashe kurwanya M23 no gutera u Rwanda

Tshisekedi arapfunda imitwe nk’uhiriye mu nzu: Ubu arakusanya abajenosideri ngo bamufashe kurwanya M23 no gutera u Rwanda

Editorial 08 Mar 2024
RDC: Abayobozi bemeye ko impungenge  za Ambasade ya Amerika zo guterwa zifite ishingiro

RDC: Abayobozi bemeye ko impungenge za Ambasade ya Amerika zo guterwa zifite ishingiro

Editorial 01 Dec 2018
prev
next

Leave a Reply Cancel reply

Your email address will not be published. Required fields are marked *

INKURU ZAKUNZWE CYANE

Ibitangaza byijejwe na Perezida Ndayishimiye bisize ahubwo u Burundi mu kangaratete

Ibitangaza byijejwe na Perezida Ndayishimiye bisize ahubwo u Burundi mu kangaratete

21 May 2025
AFC/M23 yasabye Perezida Tshisekedi ko yerura akavuga ko ashaka imishyikirano

AFC/M23 yasabye Perezida Tshisekedi ko yerura akavuga ko ashaka imishyikirano

14 Mar 2025
Perezida Paul Kagame yakurikiye umukino u Rwanda rwatsinzemo Djibouti 3-0 hashakwa itike ya CHAN 2025

Perezida Paul Kagame yakurikiye umukino u Rwanda rwatsinzemo Djibouti 3-0 hashakwa itike ya CHAN 2025

31 Oct 2024
Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

01 Oct 2024
“Agafanta” Perezida wa Tchad yasigiye abasirikari b’u Burundi kabakozeho!

“Agafanta” Perezida wa Tchad yasigiye abasirikari b’u Burundi kabakozeho!

15 Jul 2024

AKA RUSHYASHYA

KWAMAMAZA

HIRYA NO HINO

Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

01 Oct 2024
Harya ngo “Abanyarwanda bishimye ku gahato”? Igikundiro nticyingingwa Mureke kuba Indashima

Harya ngo “Abanyarwanda bishimye ku gahato”? Igikundiro nticyingingwa Mureke kuba Indashima

28 Jun 2024
Kapiteni w’Amavubi Bizimana Djihad n’ikipe ye ya Kryvbas Kryvi Rih FC yo muri Ukraine babonye itike yo gukina Europa League

Kapiteni w’Amavubi Bizimana Djihad n’ikipe ye ya Kryvbas Kryvi Rih FC yo muri Ukraine babonye itike yo gukina Europa League

16 May 2024
Ni iki cyiza cyava kuri Jean Paul Turayishimye wanywanye na bene Bagosora? 

Ni iki cyiza cyava kuri Jean Paul Turayishimye wanywanye na bene Bagosora? 

11 Apr 2024
Amafoto – Ivory Coast yatsinze Nigeria 2-1 yegukana igikombe cy’Afurika 2023

Amafoto – Ivory Coast yatsinze Nigeria 2-1 yegukana igikombe cy’Afurika 2023

12 Feb 2024
Ibiganiro Leta ya Kongo-Kinshasa nikomeza kubigarama izota umuriro wa M 23 kandi uduce twa Kivu twihaze k’umutekano

Ibiganiro Leta ya Kongo-Kinshasa nikomeza kubigarama izota umuriro wa M 23 kandi uduce twa Kivu twihaze k’umutekano

20 Nov 2023
SADC byashoboka ko yahuza Intego na FARDC Yahisemo Kwifatanya n’Abajenosideri ba FDLR, M23 mu Mambo za Goma biraherera hehe?

SADC byashoboka ko yahuza Intego na FARDC Yahisemo Kwifatanya n’Abajenosideri ba FDLR, M23 mu Mambo za Goma biraherera hehe?

06 Nov 2023

KWAMAMAZA

KWAMAMAZA

Kandaho

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Call: +250 788 429 205
Whatsapp:+250 781 632 040
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru