Abanyarwanda benshi basetse baratembagara nyuma yo kubona Byenda gusetsa ya Ntwari John William aho yandikiye ibaruwa Urwego rw’abanyamakuru bigenzura (RMC) avuga ko yibasiwe n’Ikinyamakuru Rushyashya News mu nkuru yanditswe na Nyakwigendera Bwana BURASA Jean Guarbert (Imana imuhe iruhuko ridashira), yanditswe kuwa 24 Nyakanga 2019 yari ifite umutwe ugira uti “ Ntwari John William: Mpemuke ndamuke mu kwangiza isura y’Igihugu ukwirakwiza Ibihuha, wunguka iki?
Ni ikibazo kuri we atabasha gusubiza kuko Ntwari umubajije inyungu akura mu gusiga icyasha gihimbano igihugu ntiyabona icyo asubiza kubera ko birazwi byanabonerwa n’ibimenyetso ko iteka arazwa ishinga no guhimba ibyasha byo gusiga u Rwanda afatanyije na Niyonsenga Dieudonne uzwi nka Cyuma Hassan wo ku Ishema TV, Eric Bagiruwubusa n’abandi benshi barimo Uwimana Agnes Nkusi iteka ugaragara mu mvugo z’abashinjacyaha ko ari we wakira inkunga zituruka kwa TWAGIRAMUNGU Alias Rukokoma n’abandi bamubonyemo ikivera (igishashi/Mbaraje).
Ntwari agaragara kenshi ku nzu y’abanyamakuru ikoreramo RMC, ikodeshwa na Leta y’u Rwanda yiyoroshe amajoro dore ko noneho ari nawe ushinzwe abanyamakuru bakora shift ya ni joro abenshi bakorera ibitangazamakuru byo hanze. Ahagaragara kenshi aho aba avugana na Cyuma Hassan wo ku Ishema ndetse n’abandi tutarondoye barimo naya Miryango Mpuzamahanga nka Amnesty International, Human rights watch ndetse no kwirirwa yiruka muri za ambasade uruhuri, dore ko atanagira isoni zo gusinya mu mazina ye,Yamaze iminsi yiruka muri za ambasade ateza ubwega ariko noneho birangira aguye ku bwenegihugu bwa Senegal ubu mbese ni Umunyasenegali uba mu Rwanda (birasekeje)
Agenda ateza ubwega abeshya ko ahamagarwa n’abantu batazwi bakamutegeka gusiba inkuru n’ibiganiro akorera kuri Whatsap na Facebook, nyamara birazwi ko we arara amajoro kugirango apime amasaha abarwanya leta baba bari maso bose ngo bahuze ibikorwa byo kwandagaza igihugu cyababyaye, ukibaza inyungu bakuramo ukayibura.
Abanyamakuru n’abasomyi batandukanye ku mbuga nkoranyambaga bagarutse ku mpamvu za Ntwari John William wahuruje impapuro uruhuri rw’amapaji atatu yandikira RMC akamenyesha RIB (Rwanda Investigation Bureau)na ARJ (Association Rwandaise des Journalistes) boshye abo bose bataba mu gihugu cyangwa batazi ubwenge bwo kureba amakorokoro yirirwamo bakavuga ko byanze bikunze ibi bikorwa bibi yirirwamo bigize ibyaha ubwabyo bitazamugwa amahoro
Ubwo Perezida w’Ubufaransa Nyakubahwa Emmanuel Macron yagiriraga uruzinduko rw’iminsi ibiri mu Rwanda Ntwari John William yashatse kwigira imbonera maze ashakisha kubura hasi kubura hejuru ibitangazamakuru mpuzamahanga maze aba aguye ku gitangazamakuru cy’Abafaransa M6 izwi nka Métropole Television yari yaje mu Rwanda ibifashijwemo na Twizeyimana Albert Baudouin uyobora Pax press, maze si ukubabwira ibihimbano yivamo koko nibwo abantu baje baratesha bati “Sigaho wibeshya amanywa ava” ni uko Ntwari yikubuye hagenda we….
Abasesengura amakuru ahubwo basabaga ko Ntwari yashaka undi muvuno kuko ibuye ryagaragaye riba ritakishe isuka kuko bamuzi ko ari inkoramutima ya Karasira Uzaramba Aimable nyiri Ukuri Mbona, Ingabire Umuhoza Victoire wa MRND yahindutse FDLR nyuma y’iminsi ikaba FDU Inkingi mu kujijisha ikaba DALFA Umulinzi , Me NTAGANDA wirukanywe mu ishyaka PS Imberakuri, Ingirwa Padili NAHIMANA tutibagiwe na TWAGIRAMUNGU Faustin, hanyuma Agnes Uwimana Nkusi w’Umurabyo akihamagarira intumwa ye mudatenguha Ntwari John Williams
Ukuri rero kurigaragaza kandi iminsi y’igisambo ni mirongo ine, guhinduka birashoboka aho kwirirwa ukubita hirya no hino usebya igihugu cyakubyaye, wanga kwikuramo uburakari bwa Ex FAR dore ko anigamba ko yari Umukomando wa Kinani aho agenda avuga ko Ingabo zari iza kera, Ntwari John Williams yagakwiye gufatanya n’abandi banyarwanda kubaka ubumwe bitaba ibyo akazaba aka Cassien Ntamuhanga wafatiwe mu ruzerero nyuma yo gutoroka Gereza
Agapfa kaburiwe ni impongo kandi n’Umwana yica akanyoni bangana.
