Sandrine Isheja yatangiye ashimira abakobwa bitabiriye ndetse nawe yishimira kuba ari umwe mu bagize akanama nkemurampaka gatoranya umukobwa ugiye guhagararira abandi mu Buranga, Ubwenge n’Umuco akaba Nyampinga w’u Rwanda w’umwaka wa 2018.
Abagize akanama nkemurampaka ka Miss Rwanda 2018
Mu kiganiro yahaye Inyarwanda, Sandrine Isheja yatangaje ko ikintu kibabaza umuntu uri mu kanama nkemurampaka ari uguhakanira umukobwa ukamumenyesha ko atagikomeje nyamara yari yigiriye icyizere ndetse yizeye gutsinda no kuba yahagararira intara yiyamamarijemo akanegukana ikamba rya Nyampinga w’u Rwanda.
Icyakora nanone Sandrine Isheja yatangaje ko nta kundi biba bigomba kugenda cyane ko bigomba kurangira hasigaye umukobwa umwe rukumbi uba ugomba kwambikwa ikamba rya Nyampinga w’u Rwanda bityo rero ngo ntaho bakwepera icyo gukuramo bamwe bitewe n’uburyo barushanyijwe.
