Mu ijoro ryo kuri uyu wa 10 Werurwe 2019 ni bwo umuhanzi ukomeye muri Gospel Gentil Misigaro yakoze igitaramo gikomeye mu mujyi wa Kigali aho yari afatanyije n’abandi bahanzi bakomeye muri muzika yo kuramya no guhimbaza Imana hano mu Rwanda.
N’ubwo iki gitaramo cyagenze neza byarangiye umwe mu bari bakitabiriye yitabye Imana akivuyemo.
N’ igitararamo cyabereye muri Kigali Conference and Exhibition Village (KCEV) ahazwi nka Camp Kigali, iki gitaramo cyaririmbyemo Alarm Ministries, Bosco Nshuti, Adrien Misigaro, Evan Jarrell n’abandi.
Umwe mu bakozi bakoranaga na Jado yabwiye itangazamakuru ko nyakwigendera ubwo yari avuye muri iki gitaramo yajyanye imodoka y’akazi ku kazi ubundi afata moto ngo atahe. Ubwo yari mu nzira atashye ni bwo yakoze impanuka na moto birangira yitabye Imana. Uwaduhaye amakuru yagize ati « Urumva yari atashye avuye mu gitaramo, kuko yari yajyanye imodoka y’akazi byamusabye kuyigeza kuri MTN ubundi afata moto ngo atahe. Ageze mu nzira ataha rero ni bwo yakoze impanuka ahita yitaba Imana.»
Uyu mugabo witwaga Jado yakoraga muri MTN Rwanda mu ishami ry’iyamamazabikorwa akaba yari ashinzwe ibikoresho bya kompanyi bakoreshaga mu iyamamazabikorwa.
