Perezida Paul Kagame yabonanye n’igikomangoma cya Abu Dhabi Mohammad Bin Zayed, bagirana ibiganiro bijyanye n’umubano n’iterambere ry’ibihugu byombi.
Shaikh Mohammad asanzwe ari n’umuyobozi mukuru wungirije mu ngabo za Abu Dhabi, yagiranye ibiganiro na Perezida Kagame byibanze ku ishoramari, iteramebere n’ibibazo birebana na politiki ibihugu byombi bihuriyeho.
Shaikh Mohammad yagaragarije Perezida Kagame ko Leta zunze ubumwe z’Abarabu, Abu Dhabi iherereyemo, zishimira kugirana imibanire myiza n’ibindi bihugu.
Perezida Kagame yavuze ko umubano w’u Rwanda na Leta zunze ubumwe z’Abarabu byaba ari inyungu z’u Rwanda bitewe n’iterambere izi leta zigezeho.
