Nyuma yaho tariki ya 1 Gicurasi 2021, umuhanzi Yves Kana Trezzor akoreye ubukwe n’umukunzi we Mugabekazi Diane yashyize hanze indirimbo igaruka ku rukundo rw’umugabo n’umugore ariko cyane cyane ku rukundo yakunzwe na Diane.
Mu kiganiro Yves yagiranye na RUSHYASHYA NEWS, yavuze ko ubwo indirimbo yise “Uri urukundo” yayihimbye agendeye ku rukundo yakunzwe na Mugabe Diane cyane ko yamuhaye umutima we ku buntu.
Yagize ati ” muri rusange iyi ndirimbo igaruka ku rukundo rw’umugabo n’umugore, njyewe nayandikiye umugore wanjye mushimira umutima we yampereye ubuntu”.
“Iyi ndirimbo nayanditse hamwe n’umuhanzi Yverry, muri rusange nyandika nashakaga kuyitura umugore wanjye kubw’urukundo ankunda kuko nasanze ari urukundo nyarwo”.
Yves Kana yanadutangarije ko iyi ari imwe mu ndirimbo izagaragara k’umuzingo (Album) arimo gutegura izaba igizwe ni indirimbo yakoreye umugore we, yagize ati “Iyi ndirimbo iri kuri album ndi gukoraho yitwa Uri Urukundo, izaba igizwe ahananini n’indirimbo natuye umugore wanjye”.
Yves Kana Trezzor yamenyekanye cyane ubwo yatangizaga itsinda rya Trezzor kuko yari we muyobozi waryo, gusa kuri ubu yashyizeho Band yahurijemo abandi baririmbyi ndetse n’abacuranzi.
Reba hano amashusho y’indirimbo “Uri urukundo” Yves Kana yakoreye umugore we Diane:
