Ku mugoroba wo kuri uyu wa mbere tariki ya 31 Mutarama 2022, uwahoze ari Kapiteni w’ikipe y’ingabo z’igihugu Manzi Thierry nibwo byatangajwe ko uyu mukinnyi yerekeje muri FAR Rabat yo mugihugu cya Morocco.
Ni nyuma yaho ubwo hari ku itariki ya 9 Nyakanga 2021, uyu mukinnyi yari yerekeje mu ikipe ya ya Fc Dila Gori yo muri Georgia ku masezerano y’imyaka ibiri, ubu yerekeje muri Morocco nyuma yo kumarayo umwaka umwe.
Binyuze ku mbuga nkoranyambaga z’ikipe ya Association of the Royal Moroccan Armed Forces ariyo ya FAR Rabat yatangaje ko umukinnyi myugariro Manzi Thierry ari umukinnyi wayo by’umwihariko bakaba bamuhaye ikaze bagira bati “Muraho, Tuguhaye ikaze Manzi Thierry”.
Uyu myugariro w’Amavubi yerekeje muri iyi muri iyi kipe aho asanzeyo undi myunya Rwanda Imanishimwe Emmanuel, uyu akaba amusanzeyo barige gukinana n’ubundi mu ikipe ya APR FC ndetse no mu ikipe y’igihugu Amavubi.
Uyu myugariro agiye kwerekeza muri Morocco aho yagiranye amasezerano n’ikipe ya FAR Rabat y’imyaka itatu akina muri icyo gihugu, biravugwa ko uyu mukinnyi yaba yatanzweho ibihumbi 200 by’Amadorali.
Manzi Thierry atadukanye na FC Dira Goli ayisize ku mwanya wa gatatu muri shampiyona y’umwaka w’imikino wa 2020-2021 aho yasoje ifite amanota 61 mu mikino 36 iyi kipe yakinnye.
