Mu ijoro ryo kuri uyu wa Gatanu tariki ya 23 Kamena 2023 nibwo hatangajwe ko ikipe y’ingabo z’igihugu ya APR FC yabonye Chairman mushya ariwe Lt Col Richard Karasira.
Nk’uko byatangajwe n’ubuyobozi bw’iyi kipe binyuze mu ibaruwa yashyize hanze, yemeje ko Lt Col Richard Karasira ariwe Chairman mushya wayo.
Iyi baruwa yasinywe na Lieutenant General MK MUBARAKH wari usanzwe ariwe Chairman wayo, yemejeko Uwayezu François Régis ariwe Vice Chairman wa mbere.
Izi mpinduka zibaye nyuma yaho Lieutenant General MK Mubarakh yagizwe Umugaba mukuru w’Ingabo z’u Rwanda.
Aba bayobozi bashya b’iyi kipe y’ingabo z’igihugu ya APR FC baje hitegurwa umwaka w’imikino wa 2023-2024 harimo Shampiyona y’u Rwanda ndetse n’imikino Nyafurika ya CAF Champions League.
