Mu gitondo cyo kuri uyu wa Kabiri nibwo umutoza w’ikipe ya Rayon Sports, Yamen Zelfani yageze ku kibuga cy’indege mpuzamahanga cya Kigali i Kanombe.
Ubwo yahageraga Alefani wasinye amasezerano y’umwaka umwe atoza Gikundiro yakiriwe n’ushinzwe itumanaho muri iyi kipe , Ngabo Roben.
Yamen Zelfani yahise yerekeza ku kibuga cy’imyitozo cyo mu Nzove aho yahasanze imyitozo irimo gukoreshwa n’umutoza wungirije ariwe Rwaka Claude.
Muri iyi myitozo kandi niho umutoza mukuru Yamen yahise yerekena n’umutoza ushinzwe kongerera abakinnyi imbaraga, Umunya-Afurika y’Epfo Ayabonga Lebitsa we waraye ahageze mu ijoro ryakeye.
Kuri uyu mutoza byari biteganyijwe ko agomba gutangira imyitozo y’ikipe yitegura gukina imikino Nyafurika ndetse na Shampiyona y’u Rwanda.
Hakaba hazabanza imikino ya gishuti Gikundiro izakina harimo n’uwo kwerekana abakinnyi bayo bashya ndetse hakaba hazanakinwa umukino uruta iyindi yose wa SuperCup.
Ni umukino uzahuza Rayon Sports na APR FC ukazabera kuri Kigali Pele Stadium, uyu mukino uzakinwa tariki ya 12 Kanama 2023.
Ku ruhande rw’ikipe ya APR FC nayo irimo kwitegura imikino Nyafurika ndetse n’iyi mbere mu gihugu, izakira abatoza bayo kuri uyu wa Kane.
Nk’uko byatangajwe na Fine FM, umutoza uzatoza APR FC ni Umufaransa witwa Thierry Froger, azungurizwa na Khouda Karim nawe ufite ubwenegihugu bw’u Bufaransa.
Aba kandi biyongeraho umutoza wongerera abakinnyi imbaraga (Preparateur Physique), umunya-Tunisa Dr Dr Adel Zrani.
Iyi kipe y’ingabo z’igihihu ikaba yaratangiye imyitozo yitegura umwaka w’imikino wa 2023-2024.
