Umwaka w’imikino wa 2024 muri Volleyball mu Rwanda urimo kugana ku musozo mu byiciro byombi haba mu bagabo ndetse no mu bagore, aha hategerejwe imikino ya kamarampaka (Playoffs).
Mu mpera z’icyumweru kirangiye cya tariki ya Kane n’iya Gatanu Gicurasi nibwo hasozwaga imikino y’umwaka yakiniwe mu ntara y’Amajyepfo nu karere ka Gisagara.
Ni imikino yasojwe muri uyu mwaka wa 2024, ikipe Rwanda Energy group (REG) VC iri ku mwanya wa mbere mu mikino 18 yakinwe, ifite amanota 44 yakuye mu mikino 15 yatsinze itsindwa 3.
Ikipe ya Police VC yasoje ku kanya wa Kabiri aho mu mikino 18 yakinwe yatsinze imikino 14 itsindwa imikino 4 isozanya amanota 44.
Kepler VC iri ku mwanya wa Gatatu aho ifite amanota 43, yatsinze imikino 15 itsindwa indi mikino 3.
APR VC niyo yasoje ku mwanya wa kane aho irangije iki kiciro namanota 40, yatsinze imikino 14 itsindwa indi mikino 4, ibi bituma ibona itike yo kuzakina imikino ya nyuma yo gutanga igikombe.
Biteganyijwe ko mu mpera z’iki cyumweru aribwo hakinwa imikino ya Kamarampaka izwi nka PlayOffs ari nayo itanga itike yo guhatanira igikombe cya 2024.
Nk’uko amategeko abiteganya, ikipe ya mbere ihura n’ikipe ya Kane naho iya kabiri igahura n’iya Gatatu.
Ibi bivuze ko ikipe ya mbere ariyo ya REG izahura na APR VC yabaya iya kane naho Police VC yo izahure na Kepler VC.
Mu cyiciro cy’Abagore, ikipe ya APR WVC yabaye iyambere izahura na Ruhango WVC ya kane naho Police WVC ya Kabiri izahura na RRA WVC yabaye iya gatatu.
