Kuri uyu wa mbere byari biteganyijwe ko Diane Rwigara na nyina biregura ku byaha barezwe n’Ubushinjacyaha mu iburanisha riheruka, bageze mu Rukiko Rukuru muri iki gitondo basabye kuburana ifungwa n’ifungurwa ry’agateganyo bahita bihana umucamanza umwe mu bari bagiye kuburanisha, ibi byatumye urubanza ruhita rusubikwa kugeza igihe kizagenwa n’Urukiko.
Nyuma y’iburanisha ryabaye tariki 24 Nyakanga aho umushinjacyaha yagiye mu mizi y’ibyaha abashinja birimo; guteza imidugararo muri rubanda no gukwirakwiza ibihuha uyu munsi uruhande rw’abaregwa rwagombaga kubyireguraho.
Diane Rwigara na nyina Adeline Mukangemanyi bari baje kuburana bari kumwe n’abunganizi babo; Me Buhuru Pierre Celestin wunganira Diane na Me Gatera Gashabana wunganira Adeline.
Nk’uko babyemererwa n’amategeko, ngo ku wa gatanu bandikiye Urukiko ko bashaka kuburana ifungwa n’ifungurwa ry’agateganyo, bifuza gukurikiranwa badafunze.
Muri iki gitondo mu rukiko bamaze kubimenyesha, abunganizi b’abaregwa bahise bavuga ko bihannye umwe mu bacamanza bari bagiye kuburanisha iri funga n’ifungurwa ry’agateganyo kuko ngo yanariburanishije muri uru rubanza mu bihe byashize.
Urukiko rwavuze ko ibaruwa yabo isaba kubura ifunga n’ifungurwa ry’agateganyo yageze ku rukiko kuwa gatanu amasaha y’akazi yarenze bityo batabonye umwanya wo kwiga ku bacamanza baburanisha urubanza uyu munsi.
Perezida w’Urukiko yahise avuga ko uru rubanza rusubitswe, Urukiko rukazagena igihe ruzasubukurirwa.
katsibwenene
BIRABABAJE???????????????????????? AHO MUBABARA MWISHIME