Kuri iki cyumweru nibwo hasojwe imikino ya shampiyona y’u Rwanda y’umwaka w’imikino wa 202-2025, ni umwaka warangiye amakipe ya Police na APR ariyo yegukanye igikombe.
Muri iyi mikino ikinwa mu bice bibiri, igice kibanza kizwi na Phase Aller ndetse n’imikino yo kwishyura, isozwa hakinwa imikino ya Kamarampaka izwi nia PlayOffs.
Iyi mikino ya playoffs ikinwa n’amakipe Ane ya mbere muri buri kiciro agahura hashakwa amakipe 2 agera ku mukino wa nyuma ndetse n’umwanya wa Gatatu.
Mu mikino yakinwe, ikipe ya Police Women Volleyball Club niyo yegukanye igikombe cya shampiyona itsinze iya APR WVC imikino 2-1.
Mu kiciro cy’Abagabo ikipe ya APR VC niyo yegukanye igikombe cya shampiyona itsinze iya Police Volleyball Club imikino 2-1, aha ikipe yose yatwaye igikombe ikaba yaratsinze imikino ibiri ya nyuma.
Mu mukino yo guhatanira umwanya wa Gatatu, mu Bagabo ikipe ya REG VC yegukanye uyu mwanya itsinze Kepler VC naho mu Bagore Rwanda Revenue Authority yatsinze Kepler VC.
Ikipe yabaye iya Gatatu Muri kiciro yahawe imidali na sheke ya Miliyoni y’Amafaranga y’u Rwanda, iya kabiri ihabwa Imidali na Miliyoni imwe n’igice naho iya mbere yahawe igikombe, imidali na Miliyoni ebyiri.
Amakipe yose uko ari atatu mu byiciro byombi, yahise abona itike yo kuzakina imikino Nyafurika y’umwaka utaha wa 2026.
Usibye iyi midali n’ibikombe kandi hahembwe n’abakinnyi bahise abandi muri uyu mwaka w’imikino wa 2024-2025.
Mu Bagabo:
Bester Server: Niyonshima Sam (APR)
Best Receiver: Kwizera Eric (Police)
Best Setter: Paul Akon (APR)
Best Attacker: Makuto Elphase (Police)
Best Blocker: Sibomana Placide (Police)
Best Libero: Manzi Saduru (Police)
MVP: Denis Ireke (APR)
Mu Bagore:
Bester Server: Munezero Valentine (APR)
Best Receiver: Mukandayisenga Benitha (APR)
Best Setter: Ndagijimana Iris (Police)
Best Attacker: Sande Meldinah (Police)
Best Blocker: Amito Sharon (APR)
Best Libero: Uwamariya Jacqueline(Police)
MVP: Sande Meldinah (Police)
