Ishyirahamwe ry’umupira w’amaguru mu Rwanda FERWAFA, ryashyize ahagaragara uko amakipe azahura mu mikino yo kwishyura y’ikiciro cya mbere mu bagabo izatangira kuri uyu wa gatandatu tariki ya 12 Gashyantare 2022.
Iyi ngengabihe yagaragajwe ku mugoroba wo kuwa mbere tariki ya 7 Gashyantare 2022, iyi gahunda ikaba yashyizwe hanze isa n’itinzeho gato ariko nk’uko byagiye bitangazwa n’ishyirahamwe ry’umupira w’amaguru mu Rwanda ngo ni uko bagombaga guhuza iyi mikino ndetse n’ingengabihe mpuzamahanga.
Mu bindi byavuzwe ku bijyanye no gutinda gutangaza ingengabihe byatewe n’uko hari uburyo bwo kureba niba uko amakipe yahuye mu gice kibanza ari nako azahura, abandi bakaba baravugaga ko yahindurwa igakinwa habayeho tombola.
Muri iyi ngengabihe igaragaza ko uko amakipe yagiye ahura uko yatangiye akina ni nako azakomeza gukina uhereye ku munsi wa 16 wa shampiyona uzakinwa guhera mu mpera z’iki cyumweru ikazasozwa ku itariki ya 30 Gicurasi 2022.
Mu mukino uba utegerejwe n’abatari bake utegerejwe muri iki gice cyo kwishyura, ni aho ikipe ya Rayon Sports izakira APR FC tariki ya 26 Gashyantare 2022 mu mukino uzabera kuri Sitade ya Kigali i Nyamirambo ukazakinwa ku isaha ya saa cyenda zuzuye.
Uko imikino izakinwa ku munsi wa 16 wa shampiyona:
Tariki ya 12 Gashyantare 2022:
Gasogi United vs Marines FC (Kigali Stadium, 12h30)
Gorilla FC vs SC Kiyovu(Kigali Stadium, 15h00)
Mukura VS&L vs Rayon Sports (Huye Stadium, 15h00)
Tarikiya 13 Gashyantare 2022:
AS Kigali vs Espoir FC (Kigali Stadium, 15h00)
Rutsiro FC vs Etincelles FC (Umuganda Stadium, 15h00)
Police FC bs Etoile de l’Est (Kigali Stadium, 12h30)
Bugesera FC vs Musanze FC (Bugesera Stadium, 15h00)
Gicumbi FC vs APR FC (Gicumbi Stadium, 15h00)
