Kuri uyu wa gatandatu tariki ya 24 Nzeri 2022 nibwo habaye ibikorwa by’ikipe ya Rayon Sports byo gusura ibice bitandukanye byo mu ntara y’Amajyepfo bigamije kumenya amateka y’u Rwanda cyane mu karere ka Nyanza.
Nk’uko byemejwe ko buri mwaka ikipe ya Rayon Sports iri kumwe n’abayobozu abakinnyi ndetse n’abafana basura mu Rukari mu rwego rwo kumenya amateka y’uko abanyarwanda ba cyera bari babayeho ndetse no gusobanukirwa amateka yaranze u Rwanda rwo hambere mucyo bise “Gikundiro ku Ivuko”.
Gikundi ku ivuko, ni igikorwa cyahawe iryo zina nyuma yaho amateka y’iyi kipe avuga ko yaboneye izuba mu karere ka Nyanza kuri ubu, ahazwi cyane nko ku gicumbi cy’umuco Nyarwanda.
Igikorwa cyo gutemberezwa ibice bitandukanye by’ingoro y’amateka yo mu Rukali,Ubuyobozi, abatoza ndetse n’abakinnyi ba Rayon Sports bifatanyije n’abaturage bo mu Karere ka Nyanza mu gikorwa cy’Umuganda rusange wakorewe I Mugandamure.
Nyuma y’umuganda bakaba berekeje Ku ngoro y’umwami iherereye mu Karere ka Nyanza bahava berekeza kuri Sitade yako karere gukina umukino wa gishuti na Nyanza FC, ni umukino warangiye Gikundiro itsinze Nyanza FC igitego kimwe ku busa cyabonetse ku munota wa 90 gitsinzwe na Moussa Camara.
Nyuma yo kubona iyi tsinzi ku ikipe ya Rayon Sports irakomeza kwitegura isubukurwa rya shampiyona y’u Rwanda ikinwa ku munsi wa 4, aho tariki ya 1 Ukwakira Rayon Sports izaba yerekeje mu karere ka Rubavu gusura Marines FC.
