Umukinnyi w’umunyarwanda Iradukunda Bertrand ukina asatira mu ikipe ya Township Rollers yo mu gihugu cya Botswana agiye kumara hanze y’ikibuga igihe cy’ukwezi adakina kubera ikibazo cy’imvune yagiriye mu myitozo y’ikipe ye.
Ibi by’imvune ya Bertrand byanatumye uyu mukinnyi abagwa mu ivi nkuko yabihamirije ikinyamakuru RUSHYASHYA.
Uyu rutahizamu yagize ati “navunitse ivi ubwo narindi mu myitozo, ubwo abaganga bambagaga bari bambwiye ko imvune ibaye ari nini namara hafi ibyumweru bitandatu, ariko ubu namaze kumenyako nzamara ukwezi kumwe kuko imvune yanjye idakanganye cyane.”
Kugeza ubu iyi kipe ya Bertand ya Township Rollers, muri shampiyona y’ikiciro cya mbere cyo muri Botswana iri ku mwanya wa Kabiri n’amanota 16 ikaba inganya n’ikipe iri ku mwanya wa mbere ariyo ya Orapa United, mu mikino 7 imaze gukina yatsinze imikino 5 inganya umukino 1 inatsinda undi 1.
Bertrand Iradukunda uzwi ku izina rya Kanyarwanda, yerekeje mu ikipe ya Township Rollers avuye mu ikipe ya Gasogi United, ni nyuma yo ku nyura mu makipe atandukanye ya hano mu Rwanda arimo APR FC, Bugesera FC, Police FC ndetse na Mukura VS.
