Umutoza mukuru wa Rayon Sports Karekezi Olivier ari mu maboko y’inzego z’umutekano aho yajyanywe kubazwa ibyaha acyekwaho bifitanye isano n’ikoranabuhanga n’itumanaho.
Umuvugizi w’igipolisi cy’u Rwanda ACP Theos Badege,yabwiye Kt Radio ko uyu mutoza ari mu maboko ya polisi ariko ibindi bimwerekeyeho bikazatangazwa nyuma mu rwego rwo kugirango iperereza rigende neza.
Uyu mutoza ya tawe muri yombi kuri uyu wa Gatatu mu gihe n’ubundi igikuba cyacitse mu bakunzi b’umupira w’amaguru mu Rwanda by’umwihariko mu ikipe ya Rayon Sports aho Katauti wari umutoza wungirije yitabye Imana ndetse akaba yanamaze gushyingurwa.
Icyakora ACP Theos yavuze ko itabwa muri yombi rya Karekezi ntaho rihuriye n’urupfu rwa Katauti.
